Same 21:1-13
Vei koya na dairekita. Na sere i Tevita.
21 Kemuni Jiova, e marau vakalevu na tui ena nomuni kaukaua,+Dua na ka na nona marau ena nomuni veivakabulai!+
2 Oni solia vua na ka e gadreva na lomana,+Oni qai sega ni bureitaka na vakamamasu ni tebenigusuna. (Sela)
3 Ni oni solia vua e levu na veivakalougatataki,Oni vakadarama e uluna na isalanitui e koula dina.*+
4 E kerea vei kemuni na bula, oni qai solia vua,+Na bula balavu,* me tawamudu, io me tawamudu.
5 Na nomuni veivakabulai, e kauta mai vua na lagilagi levu.+
Oni lesia vua me dokai qai totoka.
6 Oni vakalougatataki koya me tawamudu,+Oni vakamarautaki koya vakalevu ni oni tiko kei koya.*+
7 Ni nuitaki Jiova na tui,+
Ena sega vakadua ni yavalati*+ ena vuku ni dei ni nona loloma o koya sa Cecere Duadua.
8 Na ligamuni ena kunei ira kece na kemuni meca,
Na ligamuni imatau ena kunei ira na cati kemuni tiko.
9 Oni na vakavuna mera vaka na lovo bukawaqa ni oni golevi ira ena gauna lokuci.
Ena tilomi ira o Jiova ena nona cudru, qai kani ira na bukawaqa.+
10 Oni na vakarusa na luvedra* mai vuravura,
Kei na nodra kawa mai vei ira na luve ni tamata.
11 Nira nakita mera caka ca vei kemuni,+Era bukia na vere ena sega ni yaco.+
12 Oni na qai vakavuna mera suka lesu+Ni oni dodoka vei ira* na nomuni dakaititi.*
13 I Jiova, ni tucake ena nomuni kaukaua.
Keimami na sere ni vakacaucau* ena nomuni kaukaua levu.
iVakamacala e ra
^ Se “vakasavasavataki.”
^ Ipe., “Na balavu ni siga.”
^ Ipe., “vakalevu e matamuni.”
^ Se “sega vakadua ni tataivatia (taceba).”
^ Ipe., “vuadra.”
^ Ipe., “dodoka ina matadra.”
^ Ipe., “na wa ni dakaititi.”
^ Ipe., “na lagasere qai vakatagi.”
