Same 17:1-15
Na masu i Tevita.
17 Kemuni Jiova, ni rogoca mada na noqu kerea na lewadodonu,Ni vakatudaliga ina noqu tagi ni kere veivuke,Ni rogoca noqu masu ni sega ni cavuti ena veivakaisini.+
2 Ni vakatulewa mada ga vakadodonu ena vukuqu,+Me raica mada ga na matamuni na ka dodonu.
3 Oni sa dikeva na lomaqu, oni vakadigovi au ena bogi,+Oni sa vakatovolei au;+Oni na kunea niu sega ni sasagataka e dua na ka ca,E sega tale ga ni cala na gusuqu.
4 Me baleta na nodra cakacaka na tamata,Me vaka ga na vosa ni tebenigusumuni, au sega ni muria na sala ni daubutako.+
5 Me dei na noqu ilakolako ena nomuni sala,Me kua ni tarabe kina na yavaqu.+
6 Au kaci yani vei kemuni, ni oni na rogoci au,+ na Kalou.
Ni vakala mai vei au na daligamuni.* Ni rogoca noqu vosa.+
7 Ni vakaraitaka na dei ni nomuni loloma ena sala e veivakurabuitaki,+O kemuni na nodra iVakabula na via vakaruru ena ligamuni imatauVei ira era saqati kemuni.
8 Ni taqomaki au me vaka na loa ni matamuni,+Ni vunitaki au ena iyaloyalo ni tabamuni,+
9 Ni taqomaki au vei ira na daucaka ca era ravuti au,Vei ira na kequ meca dauveivakamatei era wavokiti au.+
10 Era sega ni kauai,*Era vosa vadokadoka e gusudra,
11 Ia qo era wavokiti keimami,+Era vakaraica tiko na gauna mera vakabalei keimami kina.*
12 E vaka na laione e via basuraka vakamatailalai na kena,Me vaka na luvenilaione e davoraki koya ni vakarau oba yani.
13 I Jiova, ni tucake mai moni tavaki koya+ qai vakabalei koya sobu,Vakabulai au mai vua na daucaka ca ena nomuni iseleiwau,
14 I Jiova, ni vakabulai au ena ligamuni,Mai vei ira na tamata ni vuravura qo, era vakaivotavota ena bula ga qo,+O ira oni vakasinaita ena veika vinaka oni vakarautaka+Ra qai biuta tu mai na iyau vei ira na ibinibini luvedra tagane.
15 Ia o yau, au na raica na matamuni ena yalododonu,Au lomavakacegu e matamuni* niu yadra mai.+
iVakamacala e ra
^ Se “Ni cuva qai vakarorogo.”
^ Se “Era kovuti ena nodra uro.”
^ Se “mera kolotaki keimami ena qele.”
^ Se “niu raici iko.”
