Same 16:1-11
Na mikitami* i Tevita.
16 Ni taqomaki au, kemuni na Kalou, niu sa vakaruru vei kemuni.+
2 Au kaya vei Jiova: “O kemuni Jiova na noqu iVurevure ni veika vinaka.
3 O ira tale ga na yalosavasava e vuravura,O ira na lagilagi, era vakamarautaki au vakalevu.”+
4 O ira na qara eso tale na kalou era vakalevutaka na nodra rarawa.+
Au na sega vakadua ni livia na nodra isoro livi ni dra,Se me cavuta na yacadra+ na tebenigusuqu.
5 E noqu ivotavota o Jiova, e noqu iwasewase,+ kei na noqu bilo.+
Oni taqomaka na ka kece au taukena.
6 E vakarautaki vei au na veivanua totoka.
Io, au lomavakacegu ena noqu ivotavota.+
7 Au na vakacaucautaki Jiova, ni vakasalataki+ au.
Ena bogi mada ga, e vakadodonutaki au noqu vakanananu titobu.*+
8 E dei tu ga e mataqu o Jiova.+
Ni tu e ligaqu imatau o koya, au na sega vakadua ni yavalati.*+
9 E marau vakalevu na lomaqu, e marau na yagoqu taucoko.*
Au tikovinaka tale ga.
10 Ni oni sega ni biuti au tu ga ena iBulubulu.*+
Oni na sega ni laivi koya na nomuni yalodina me raica na qara.*+
11 Oni vakatakila vei au na sala ni bula.+
E uasivi na marau ni oni tiko,*+Sa tu na marau e ligamuni imatau me tawamudu.
iVakamacala e ra
^ Raica na iVakamacala ni Vosa.
^ Se “na lomaqu sara mai loma.” Ipe., “noqu ivi.”
^ Se “sega vakadua ni tataivatia (taceba).”
^ Ipe., “noqu lagilagi.”
^ “Seoli,” oya na ibulubulu ni kawatamata. Raica na iVakamacala ni Vosa.
^ Se rawa ni, “me raica ni vuca.”
^ Ipe., “kei na matamuni.”
