Same 141:1-10
Na sere i Tevita.
141 Kemuni Jiova, au kaci yani vei kemuni.+
Ni totolo mai moni vukei au.+
Ni kauai mai niu kaci yani vei kemuni.+
2 Na noqu masu me vaka na ka boivinaka dau vakamai+ e matamuni,+Me vaka na isoro covuata ni yakavi na ligaqu e laveti tu.+
3 Kemuni Jiova ni lesia e dua na yadra ni gusuqu,Biuta e dua na ivakatawa ena katuba ni tebenigusuqu.+
4 Me kua ni goleva na lomaqu e dua na ka ca,+Me vakaitavi ena ivalavala torosobu kei ira na tamata ca,Meu kua vakadua ni kania na kedra kakana taleitaki.
5 Ke totogitaki au na yalododonu, qori na ivakaraitaki ni loloma e dei,+Ke mani vunauci au o koya, ena vaka na waiwai e uluqu,+Ena sega vakadua ni besetaka na uluqu.+
Au na masulaki ira tu ga ena gauna mada ga ni nodra leqa.
6 Nira viritaki sobu mai na barinivatu na nodra turaganilewa,Era na kauaitaka na tamata na noqu vosa, ni kamikamica.
7 Sa talabusese na suida ena bati ni iBulubulu,*Me vaka e dua e siviyara qai cukita na qele.
8 Ia na mataqu sa rai yani vei kemuni, na Turaga Cecere Duadua i Jiova.+
Vei kemuni au sa vakaruru kina.
Kua ni kauta laivi na noqu bula.
9 Taqomaki au mai na kequ dai kaukaua era biria,Mai na nodra icori na daucaka ca.
10 Era na bale kece na daucaka ca ena nodra lawa+Niu tavali qai taqomaki vinaka tu.
iVakamacala e ra
^ Se “Seoli,” oya na ibulubulu ni kawatamata. Raica na iVakamacala ni Vosa.
