Opetaia 1:1-21
1 Na raivotu i Opetaia:*
Qo na ka e kaya na Turaga Cecere Duadua o Jiova me baleti Itomi:+
“Eda rogoca e dua na itukutuku mai vei Jiova,E talai e dua na mata vei ira na veimatanitu:
‘Moni tucake, meda vakarau meda lai valuti koya.’”+
2 “Raica! Au sa vakalailaitaki iko vei ira na veimatanitu.
O sa beci vakalevu.+
3 E vakacalai iko na viavialevu ni lomamu,+O iko o tiko ena qaravatu,O tiko ena vanua cecere, o tukuna tiko e lomamu,‘O cei ena kauti au sobu ina qele?’
4 Ke o vakaceceretaka na nomu itikotiko* me vaka na ikeli,Se o lai biuta na nomu sova ena kedra maliwa na kalokalo,Au na kauti iko sobu mai kea,” e kaya o Jiova.
5 “Ke ra lako yani vei iko na daubutako, o ira na daubutako ena bogi,(O na vakarusai sara ga!)*
Era na butakoca ga na ka era vinakata se sega?
Se ra lako yani vei iko na dau beti vuanivaini,Era na biuta tu mai eso na ka me kumuni?+
6 Sa wacava na nona vaqarai o Iso!
Sa wacava na vaqarai ni nona iyau vuni!
7 Era cemuri iko ina iyalayala ni vanua.
O ira kece na nomu ito* era vakaisini iko.
Era rawai iko o ira oni dau veiyaloni.
Era na tagavi iko ena lawa o ira na kana madrai vata kei iko,Ia o na sega ni kila.
8 Ena siga oya,” e kaya o Jiova,“Au na vakarusai ira na vuku ni Itomi+Kei ira na yalomatua ena veiulunivanua o Iso?
9 Era na rere na nomu tamata qaqa,+ Temani,+Nira na vakamatei yadudua o ira na tiko ena veiulunivanua o Iso nira vakarusai.+
10 Ena vuku ni ivalavala kaukaua e caka vei tacimu o Jekope,+O na luvuci ena madua,+O na muduki vakadua.+
11 Ena siga o tu kina vakatikitiki,Ena siga era kauta vakavesu kina na kaitani na nona mataivalu,+Era curuma yani na vulagi na nona matamata, ra qai vakawirimadigitaki+ Jerusalemi,E vakataki ira na nomu ivukivuki.
12 “Mo kua ni marautaka na siga nei tacimu, na siga e rarawa kina,+Mo kua ni marautaka na siga era vakamatei kina na lewe i Juta,+Mo kua ni vosa viavialevu ena siga era rarawa kina.
13 Mo kua ni curu mai ena nodra matamata na noqu tamata ena siga era rarawa kina,+Mo kua ni marautaka na ka ca e yacovi koya ena siga ni nona rarawa,Mo kua ni biuta na ligamu ena nona iyau ena siga ni nona rarawa.+
14 Mo kua ni duri tu ena basoganisala mo vakamatei ira na kainona era dro mai,+Mo kua ni soli ira na kainona era vakabulai ena siga ni rarawa.+
15 Ni sa voleka na siga i Jiova me valuti ira na matanitu kece.+
Me vaka na ka o cakava, ena caka tale vei iko.+
Na nomu ivalavala vei ira eso ena vakarautaki tale vei iko.
16 Me vaka na ivakarau ni nomuni gunu ena noqu ulunivanua tabu,Era na gunu tale tiko ga va qori na matanitu kece.+
Era na gunu, era tiloma sara,Ena vaka ga nira sega ni bula.
17 “Ia era na tiko e Ulu i Saioni o ira na dro,+Ena wili me ka tabu,+Ena taukena na vuvale i Jekope na ka e nodra.+
18 Na vuvale i Jekope ena yaco me bukawaqa,Na vuvale i Josefa na yameyame,Na vuvale i Iso ena vaka na vunicovuata,Erau na vakamai ira, erau na yameci ira,Ena sega ni dua e bula ena vuvale i Iso,+Ni tukuna sara ga o Jiova.
19 Era na taukeni Nikepi kei na veiulunivanua o Iso,+Na Sefila kei na nodra vanua na Filisitia.+
Era na taukena na vanua o Ifireimi kei na vanua o Samaria,+O Penijamini ena taukeni Kiliati.
20 O ira na kau vakavesu ena bainivalu qo,+O ira na lewe i Isireli era na taukena na nodra vanua na kai Kenani me yaco sara i Sarifaci.+
O ira na kau vakavesu mai Jerusalemi era tiko e Sifarati, era na taukena na veikoro ena Nikepi.+
21 Era na lako cake i Ulu i Saioni o ira na dauveivakabulaiMera lewa na veiulunivanua o Iso,+Ena nei Jiova na itutu vakatui.”+
iVakamacala e ra
^ Kena ibalebale “Dauveiqaravi nei Jiova.”
^ Se rawa ni, “vuka cake.”
^ Se rawa ni, “Ena vakacava na levu ni nodra vakacaca?”
^ Se “o ira na veiyalayalati kei iko.”
