Jope 1:1-22
1 A tiko voli ena vanua o Usi e dua na turaga na yacana o Jope.*+ E turaga yalododonu ni dau yalodina,*+ e dau rerevaka na Kalou qai sega ni goleva na ca.+
2 E vitu na luvena tagane qai tolu na luvena yalewa.
3 Na nona qelenimanumanu e 7,000 na sipi, e 3,000 na kameli, 1,000 na bulumakau, 500 na asa,* ra qai le levu sara nona dauveiqaravi, e mani rogo kina o koya vei ira kece na lewenivanua ena Tokalau.
4 Eratou dau caka soqo ni kana magiti na luvena tagane ena nodratou dui vale ena siga sa loku tu.* Eratou dau sureta mai na ganedratou tolutolu me ratou kana vata, ratou gunu vata tale ga.
5 Ni oti ga e dua na siga ni kana magiti, ena talatala yani o Jope me vakasavasavataki ratou. E sou ena mataka me vakacabora na isoro kama+ ena vukudratou yadua. Ni kaya o Jope: “De ratou cala na luvequ, ratou qai vosavakacacataka na Kalou e lomadratou.” Qori na ka e dau cakava o Jope.+
6 Sa qai yaco mai na siga mera lako yani kina na luve ni Kalou dina*+ mera lai tu ena nodra tikina ena mata i Jiova,+ e lako maliwai ira tale ga yani+ o Setani.+
7 E qai tukuna vei Setani o Jiova: “O lako mai vei?” E kaya vei Jiova o Setani: “Au veilakoyaki qai gade voli mai vuravura.”+
8 E qai tukuna vei Setani o Jiova: “O vakasamataki* Jope tiko na noqu dauveiqaravi? E sega ni dua e vuravura e tautauvata kei koya. E turaga yalododonu ni dau yalodina,*+ e rerevaka tiko ga na Kalou qai sega ni dau goleva na ca.”
9 E qai tukuna vei Jiova o Setani: “Vakacava e sega ni yaga nona rerevaka na Kalou o Jope?+
10 Oni sega ni viribaiti koya moni taqomaki koya kina,+ na nona vale kei na ka kece e taukena? Oni vakalougatataka na cakacaka ni ligana,+ sa robota tale ga na vanua na nona manumanu.
11 Ia qo, dodoka mada na ligamuni qai vakarusa na ka kece e taukena, ena vosavakacacataki kemuni dina e matamuni.”
12 E qai kaya vei Setani o Jiova: “Raica! Sa tu e ligamu* na ka kece e taukena. Me kua ga ni tarai koya na ligamu! Sa qai biubiu mai na mata i Jiova o Setani.+
13 Ena siga eratou kana, ratou gunu waini tiko kina na luvena tagane kei na luvena yalewa ena vale i tuakadratou tagane e qase duadua,+
14 e lako yani e dua na italai qai tukuna vei Jope: “Era siviyara tiko na bulumakau, era kana co tale tiko ga e yasadra na asa,
15 ra qai ravu mai na kai Sipa, era butakoca na manumanu, era vakamatei ira tale ga na dauveiqaravi ena iseleiwau. O yau duadua ga au dro bula meu mai tukutuku vei kemuni.”
16 Ni se vosa tiko ga, sa lako tale mai e dua qai kaya: “E lutu mai lagi na bukawaqa mai vua na Kalou,* e yameca na sipi kei ira na dauveiqaravi qai kani ira! O yau duadua ga au dro bula meu mai tukutuku vei kemuni.”
17 Ni se vosa tiko ga, sa lako tale mai e dua qai kaya: “Era cemuria ra qai butakoca na kameli e tolu na ilala daubutako mai Kalitia,+ ra qai vakamatei ira na dauveiqaravi ena iseleiwau. O yau duadua ga au dro bula meu mai tukutuku vei kemuni.”
18 Ni se vosa tiko ga, sa lako tale mai e dua qai kaya: “Eratou kana, ratou qai gunu waini tiko na luvemu tagane kei na luvemu yalewa ena vale i tuakadratou tagane e qase duadua.
19 E qai liwa mai vakasauri ena vanua dravuisiga e dua na batinicagi kaukaua qai yavalata na tutunivale vava, mani lutuki ratou na luvemu ratou mate sara. O yau duadua ga au dro bula meu mai tukutuku vei kemuni.”
20 E duri sara o Jope qai dresulaka nona isulu, e tasia na uluna, e tekicuva sara ina qele
21 qai kaya:
“Au basika luvawale mai na katonigone i tinaqu,Au na lesu luvawale.+
Sa solia o Jiova,+ sa kauta laivi tale ga o Jiova.
Me vakacaucautaki tiko ga na yaca i Jiova.”
22 Ena ka kece qo, e sega ni valavala ca o Jope se beitaka na Kalou ni cakacala.*
iVakamacala e ra
^ Se rawa ni kena ibalebale “Vakacacani.”
^ Se “sega ni cala qai turaga yalododonu.”
^ Ipe., “asa yalewa.”
^ Se “ena nodratou dui vale yadua ni sa nodratou gauna.”
^ Dua na ivosavosa vakaIperiu e dusi ira na agilosi era luve ni Kalou.
^ Ipe., “katona e lomamu.”
^ Se “sega ni cala qai turaga yalododonu.”
^ Se “tu ena nomu lewa.”
^ Se rawa ni, “lagi na yaseyase.”
^ Se “tukuna e dua na ka tawadodonu vua na Kalou.”
