Aisea 8:1-22
8 E kaya vei au o Jiova: “Mo taura e dua na papa levu+ mo vola ena peni,* ‘Mesalali-asipasi.’*
2 Me rau qai vakadeitaka vei au ena ivola* o rau na ivakadinadina daudina, o Uraia+ na bete kei Sakaraia na luvei Jeperekaia.”
3 Au mani veiyacovi kei* na parofita yalewa,* e bukete, e vakasucuma sara e dua na gonetagane.+ E kaya vei au o Jiova: “Mo vakayacana me o Mesalali-asipasi,
4 ni bera ni kila na gone me kaci, ‘Tamaqu!’ kei na ‘Tinaqu!’ ena kau tani mada na iyau nei Tamasiko kei na itokinivalu nei Samaria e mata i tui Asiria.”+
5 E vosa tale vei au o Jiova:
6 “Nira beca na lewenivanua qo na wai na Sailoa*+ e drodro malua tikoEra marautaki Risini kei na luvei Rimalaia,+
7 Ia raica! O Jiova ena vakauta vei iraNa kaukaua kei na wai levu ni Uciwai*Na tui Asiria+ kei na nona qaqa kece.
Ena tubu cake ena kena drekeniwai taucokoQai vuabale ena batina kece
8 Ena dave yani i Juta.
Ena luvuca, ena dave me yala i domona,+Ni vakatetaba o koya ena ubia na raba ni nomu vanuaImanueli!”*+
9 Moni vakamavoataki ira, kemuni na lewe ni veivanua, ia oni na musumusulaki.
Moni vakarorogo o kemuni kece mai na veivanua yawa e vuravura!
Moni vakarau vala,* ia oni na musumusulaki!+
Moni vakarau vala, ia oni na musumusulaki!
10 Moni lalawa mada, ia ena dreve ga!
Moni tukuna na ka oni vinakata, ia ena sega ni yacoNi tokoni keimami na Kalou!*+
11 Ni tiko vei au na liga kaukaua i Jiova, qo na ka e kaya vei au o koya, e vakasalataki au meu kua ni muria na nodra ivalavala na tamata qo:
12 “Moni kua ni kaya ni bukivere na ka era tukuna na tamata qo ni bukivere!
Moni kua ni rerevaka na ka era rerevakaMoni kua ni sautaninini kina.
13 O Jiova ni lewe vuqa,* o koya ga moni okata me yalosavasava,+O koya ga moni dokaO koya ga moni sautaninini kina.”+
14 Ena vaka na vale tabu o koyaIa ena vaka na vatu ni veivakatarabetakiMe vaka na vatu ni veivakabalei+Vei rau na vuvale ni IsireliMe vaka na dai kei na icoriVei ira na lewe i Jerusalemi.
15 Levu vei ira era na tarabe, era na bale, era na kamusuEra na bacani ra qai tobo.
16 Mo viviga na itukutuku volaiMo dregata na lawa* me nodra na noqu tisaipeli!
17 Au na waraki Jiova tiko ga,+ o koya e tabonaka na matana vua na vuvale i Jekope,+ au na vakanuinui vua.
18 Raica! O yau kei ira na gone e solia vei au o Jiova+ keimami ivakatakilakila+ kei na cakamana e Isireli mai vei Jiova ni lewe vuqa e tiko e Ulu i Saioni.
19 Ke ra tukuna vei kemuni: “Moni tarogi ira na dauvakacuru se o ira na daurairai era tagi ra qai vakasolokakana,” vakacava mera taroga ga na nodra Kalou? Na cava mera tarogi kina na mate ena vukudra na bula?+
20 Mera qara ga na lawa kei na itukutuku volai!
Nira sega ni vosa me vaka na itukutuku qo, e sega vei ira na rarama.*+
21 Era na dui lako voli ena vanua ena rarawa kei na viakana,+ nira viakana ra qai cudru era na tacake mera vosavakacacataka na nodra tui kei na nodra Kalou.
22 Era na rai i vuravura era na raica ga na rarawa kei na butobuto, na veilecayaki kei na yaluma, na butobuto loaloa kei na rugurugua.
iVakamacala e ra
^ Ipe., “ena peni ni tamata.”
^ Kena ibalebale “Totolo ina iTokinivalu, Lako Totolo ina iYau.”
^ Se “qai vakadinadinataka.”
^ Ipe., “lako vua.”
^ Oya na wati Aisea.
^ Na Sailoa na isalisaliniwai.
^ Oya na Uferetisi.
^ Se “Moni vauca na dibimuni.”
^ Qo na mataivalu vakalomalagi.
^ Se “ivakavuvuli.”
^ Ipe., “kida na mataka.”
