Aisea 62:1-12
-
Yaca vou nei Saioni (1-12)
62 Ena vuku i Saioni au na sega ni galu,+Ena vuku i Jerusalemi au na sega ni tu vakaduaMe cila mada yani na nona ivalavala dodonu me vaka na rarama serau+
Kei na nona veivakabulai me vaka na cina caucaudre.+
2 “Era na raica na veimatanitu na nomu ivalavala dodonu o iko na yalewa,+Kei ira kece na tui na nomu lagilagi.+
O na vakayacani ena yaca vou,+Ena cavuta na gusu i Jiova.
3 O na isala totoka ena liga i Jiova,Na isalanitui ena qeteqete ni liga ni nomu Kalou.
4 O na sega tale ni vakatokai mo yalewa biu,+Kei na nomu vanua ena sega tale ni vakatokai me lala.+
Ia o na vakatokai mo Noqu Yalewa Taleitaki,+Kei na nomu vanua ena vakatokai me o Koya e Vakawati.
Ni na taleitaki iko o Jiova,Kei na nomu vanua me vakataki koya e vakawati.
5 Me vaka ga ni vakawatitaka e dua na goneyalewa e dua na cauravou,Era na vakawatitaki iko na luvemu.
Me vaka ga ni rekitaka na yalewavou na taganevou,Ena rekitaki iko na nomu Kalou.+
6 Ena dela ni nomu bai Jerusalemi, au lesi ira na yadra.
Mera kua ni galu tiko ga ena siga kei na bogi taucoko.
O kemuni na tukuni Jiova tiko,Moni kua ni cegu,
7 Moni kua ni vakacegui koya me vakataudeitaki Jerusalemi mada,Io, me cakava mera vakacaucautaki koya e vuravura.”+
8 E bubului o Jiova ena ligana imatau, ena ligana kaukaua:
“Au na sega tale ni solia na nomu covuata me kedra na meca,Se ra gunuva na kaitani na memu waini vou o bunoca.+
9 Ia o ira na kumuna era na kania, era na vakacaucautaki Jiova,Kei ira na binia era na gunuva ena noqu raranivale tabu.”+
10 Moni curu, moni curu ena matamata.
Moni vagalalataka na nodra sala na tamata.+
Buluta, buluta na sala.
Kauta tani na vatu.+
Vakaduria na kaunikuila vei ira na lewe ni veivanua.+
11 Raica! O Jiova e vakarogoya ina iyalayala kei vuravura:
“Moni kaya vua na goneyalewa ni Saioni,‘Raica! Sa lako mai na nomu ivakabula.+
Raica! E tiko vua na icovi,Kei na isau me solia e tu e matana.’”+
12 Era na vakatokai mera mataqali yalosavasava, o ira e volia lesu o Jiova,+O na vakatokai mo Domoni, na Koro e Sega ni Biu.+
