Aisea 24:1-23
24 Raica! Sa vakalala o Jiova na vanua* me laladidi,+E vakatoboicutaka+ mera veiseyaki na lewena.+
2 Ena tautauvata na ka ena yacovi ira kece:
Na lewenivanua kei na bete,Na dauveiqaravi kei na nona turaga,Na dauveiqaravi kei na nona marama,O koya e volivoli kei koya e volivolitaki,O koya e soli dinau kei koya e dinau,O koya e taura na tubu kei koya e sauma.+
3 Ena lala vakadua na vanua;Ena kovei sara ga,+Ni tukuna o Jiova na vosa qo.
4 E lolosi* na vanua,+ sa malai yani.
E matemate na vanua bulabula, sa sega ni vua.
Era gogo na iliuliu ni vanua.
5 Era benuca na vanua na lewena,+Era beca na lawa,+Era veisautaka na ivakaro,+Era beca na veiyalayalati tawamudu.*+
6 Oya na vuna e cudruvi kina na vanua,+Era cala na tiko kina.
Oya na vuna era lewe lailai kina na tiko ena vanua,E vo ga e vica.+
7 E lolosi* na waini vou, e malai na vaini,+Era rarawa kece na marau tiko na lomadra.+
8 Sa mudu na rorogo marautaki ni tibereli;Sa oti na nodra maue na dau mamarau;Sa mudu na rorogo marautaki ni api.+
9 Era gunu waini ia e sega na sereE gaga na gunu e veivakamatenitaki vei ira na gunuva.
10 Sa kasura na tauni lala,+Sa sogo kece na vale me kua ni dua e curu kina.
11 Era tagica na waini e gaunisala.
Sa oti kece na marau;Sa sega ni reki na vanua.+
12 Sa rusa na koro;Sa vurumemea na matamata me ibinibini benu.+
13 Ena va qo ena vanua, ena kedra maliwa na lewe ni veivanua:
Me vaka na samu vuniolive,+Me vaka na tomi vuanivaini ni cava na tatamusuki.+
14 Era na tabalaka na domodra,Era na kaikaila ena marau.
Era na kacivaka mai wasawasa* ni cecere o Jiova.+
15 Oya na vuna era na vakalagilagi Jiova kina ena yasayasa ni rarama,*+Era na vakalagilagia na yaca i Jiova na Kalou ni Isireli na veiyanuyanu e wasawasa.+
16 Mai na iyalayala ni vanua eda rogoca na sere:
“Me vakalagilagi ga o koya na Yalododonu!”+
Ia au kaya: “Au sa malumalumu, au sa malumalumu!
Au sa kalouca! Era veivakaisini na dauveivakaisini.
Dua na ka na nodra veivakaisini na dauveivakaisini.”+
17 Na domobula, na qara, kei na dai e waraki kemuni na lewenivanua.+
18 O koya e drovaka na rorogo ni ka vakadomobula ena lutu ina qara,O koya e lako cake mai na qara ena tacori ena dai.+
Ni na tadola na isogo mai cake,Ena sakure na yavu ni vanua.
19 E kavida na vanua;E sakure na vanua;E yavavala vakalevu na vanua.+
20 E taceba na vanua me vaka na mateni,E veisuayaki me vaka na bure ni liwa na cagi.
E tarabi vua na nona cakacala,+Ena bale ena sega ni tucake tale.
21 Ena siga oya ena cudruva o Jiova na mataivalu mai cakeKei ira na tui ni vuravura era tiko e vuravura.
22 Era na soqoni vataMe vaka na kaivesu era soqoni ena qara,Era na sogolati ena qara buto;Ni oti e vica vata na siga era na lewai.
23 Ena taqaya na vula levu,Ena madua na rarama ni matanisiga,+Ni sa Tui+ o Jiova ni lewe vuqa* e Ulu i Saioni+ kei Jerusalemi,Ena vakalagilagi e matadra na nodra qase na nona tamata.*+
iVakamacala e ra
^ Se “vuravura.”
^ Se rawa ni, “mamaca.”
^ Se “makawa.”
^ Se rawa ni, “maca.”
^ Se “na ra.”
^ Se “na tokalau.”
^ Qo na mataivalu vakalomalagi.
^ Ipe., “matadra na nona qase.”
