iKarua ni Samuela 23:1-39
23 Qo na iotioti ni vosa nei Tevita:+
“Na vosa nei Tevita na luvei Jese,+Kei na nona vosa na tamata a vakalevulevui,+Na lumuti+ ni Kalou i Jekope,E daunisere vinaka+ e Isireli.
2 E vosa e gusuqu na yalo i Jiova,+E tiko e yamequ na nona vosa.+
3 E vosa na Kalou ni Isireli,E kaya vei au na Uluvatu ni Isireli:+
‘Ni yalododonu o koya e liutaka tiko na kawatamata,+E veiliutaki tiko ni doka* na Kalou,+
4 E vaka na rarama ni kida na mataka, ni cila na matanisiga,+Na mataka e sega kina na o.
E vaka na rarama ni oti na uca,E vakatubura na co mai na qele.’+
5 E va qori na rai ni Kalou me baleta na noqu vuvale?
Ni keirau a veiyalayalati me tawamudu,+E tuvanaki vakamatau na ka kece qai dei.
Meu vakabulai, meu marau kina,Qori na vuna e vakatubura kina.+
6 Ia era biu laivi kece na tamata macawa+ me vaka na kau vakavotona,Nira sega ni tauri rawa e ligada.
7 Na tamata e taraMe vakaiyaragi vinaka ena kaukamea kei na dia ni moto,Mera vakamai vakadua ena bukawaqa ena kena tikina.”
8 Qo na yacadratou na tagane qaqa nei Tevita:+ o Josipasipa na Takimonaiti, e nodratou iliuliu na le tolu.+ E vakamatea ena nona moto e 800 vakacaca ena dua ga na gauna.
9 E taravi koya o Eliesa+ na luvei Toto+ na luvei Eoi, e dua vei ratou na le tolu na tagane qaqa a tiko vata kei Tevita ena gauna eratou bolei ira kina na kai Filisitia. Era soqoni e kea mera vala, era mani suka na Isireli,
10 e sega ni tu suka o koya qai mokuti ira tiko ga na kai Filisitia me wale sara na tabana qai nunu na ligana ni taura tiko na iseleiwau.+ E vakavuna o Jiova e dua na qaqa* levu ena siga oya,+ era qai muri Eliesa na tamata mera kauta na nodra itokinivalu na mate.
11 E taravi koya o Sama na luvei Aki na Araraiti. Era soqoni vata na kai Filisitia e Liai, e tiko e kea e dua na tikiniqele e levu kina na lenitili,* era qai dro na tamata ena vukudra na kai Filisitia.
12 Ia e duri toka ga o koya ena loma ni vanua qori me taqomaka qai mokuti ira tiko ga na kai Filisitia, mani vakavuna o Jiova e dua na qaqa levu.+
13 Eratou lako sobu vei Tevita e tolu vei ira na le 30 na iliuliu ena qaravatu e Etulama+ ena gauna ni tatamusuki, e keba toka na nodra mataivalu* na kai Filisitia ena Buca o Refeimi.+
14 E tiko ena gauna qori o Tevita ena idrodro,+ ia e tiko mai Peceliema e dua na nodra keba na mataivalu ni Filisitia.
15 E qai tukuna o Tevita ni sa karamaca: “Meu gunuva mada ga na wai mai na mataniwai volekata na matamata mai Peceliema!”
16 Eratou curuma yani vakaukaua na le tolu na tagane qaqa qo na nodra keba na kai Filisitia me ratou takiva mai na wai ena mataniwai e tiko ena matamata e Peceliema, eratou kauta sara vei Tevita, ia e sega ni via gunuva o koya, e livia ga yani vei Jiova.+
17 E kaya o koya: “Kemuni Jiova, e sega ni donu vei au meu cakava na ka qo! Meu gunuva na nodratou dra+ na tagane eratou a bolemate?” A sega gona ni via gunuva o koya. Qo na ka eratou cakava na tolu na tagane qaqa.
18 O Apisai+ na taci Joapi, na luvei Seruaia+ e nodratou iliuliu e tolu tale, e vakamatea e 300 vakacaca ena nona moto, na kena irogorogo e vakataki ratou na le tolu.+
19 E dokai sara o koya vei ratou na le tolu, e nodratou turaga, ia e sega ni yacova na nodratou itutu na imatai ni tolu.
20 O Penaia+ na luvei Jioiata e dua na tagane qaqa,* e cakava e levu na ka e Kapisieli.+ E mokuta e rua na luvei Erieli na turaga ni Moapi qai lako sobu ena loma ni qara ena gauna ni ucacevata me mokuta e dua na laione.+
21 E mokuta tale ga e dua na tagane levu sara ni Ijipita. E tiko e ligana na kai Ijipita e dua na moto, ia e lako sobu yani vua o Penaia kei na dua na ititoko, e kovea na moto mai na ligana na kai Ijipita qai vakamatei koya ga ena nona moto.
22 Qo na ka e cakava o Penaia na luvei Jioiata, e rogo me vakataki ratou na tolu na tamata qaqa.
23 E dokai sara vei ira na le tolusagavulu, e sega ga ni yacova na nodratou itutu na le tolu. Ia e lesi koya o Tevita me lewai ira na nona yadra.
24 E dua vei ira na le tolusagavulu o Asaeli+ na taci Joapi: o Elenani na luvei Toto mai Peceliema,+
25 o Sama na kai Eroti, o Elika na kai Eroti,
26 o Ilesi+ na Paliti, o Aira+ na luvei Ikesi na kai Tikoa,
27 o Epieseri+ na kai Anacoci,+ o Mipunei na luvei Usa,
28 o Salimoni na Eoi, o Merei+ na kai Nitofa,
29 o Elepi na luvei Pena na kai Nitofa, o Itai na luvei Ripei na turaga ni Kipea vei ira na Penijamini,
30 o Penaia+ na kai Piraconi, o Itei mai na waimaca* o Keasi,+
31 o Epialiponi na kai Arapa, o Asimavece na kai Peurimi,
32 o Eliapa na kai Selipimi, o ira na luvei Jaseni, o Jonacani,
33 o Sama na Araraiti, o Eami na luvei Sarari na Araraiti,
34 o Elifeleti na luvei Easipai na luvena e dua na kai Meaka, o Ilami na luvei Etofeli+ na kai Kilo,
35 o Esirei na kai Kameli, o Perei na kai Arapea,
36 o Ikiali na luvei Necani mai Sopa, o Pani na luvei Kata,
37 o Seleki na luvei Amoni, o Neri na Pieroci, e dau cola na iyaragi nei Joapi na luvei Seruaia,
38 o Aira na luvei Iceri, o Karepi na luvei Iceri,+
39 kei Uraia+ na Itaiti, era le 37 taucoko.
iVakamacala e ra
^ Ipe., “rerevaka.”
^ Se “veivakabulai.”
^ Dua na mataqali bini. Ena vosa vavalagi, lentil.
^ Se “veikoro valelaca.”
^ Ipe., “na luve ni tamata yaloqaqa.”
^ Raica na iVakamacala ni Vosa.
