iMatai ni Veigauna 9:1-44
9 Era volai kece na Isireli ena nodra iyatukawa, era volai ena nodra iVola na Tui Isireli. Era kau vakavesu na Juta i Papiloni nira sega ni yalodina.+
2 Era liu o ira na Isireli, o ira na bete, o ira na Livai, kei ira na dauveiqaravi ni valenisoro*+ mera tawana na nodra ivotavota ena nodra koro.
3 Era tiko e Jerusalemi eso na kawa nei Juta,+ nei Penijamini,+ nei Ifireimi, nei Manasa:
4 o Ucei na luvei Amiute na luvei Omirai na luvei Imiri na luvei Pani, era kawa nei Feresi+ na luvei Juta.
5 O ira na kai Sailo, o Asaia na ulumatua kei ira na luvena tagane.
6 O ira na tagane na luvei Sira,+ o Jiueli kei na 690 na tacidra.
7 O ratou na kawa nei Penijamini, o Salu na luvei Mesulame na luvei Otevaia na luvei Senua,
8 o Ipinaia na luvei Jiroame, o Ela na luvei Usai na luvei Mikiri, kei Mesulame na luvei Sefataia na luvei Rueli na luvei Ipinija.
9 O ira na tacidra ena nodra iyatukawa era le 956. O ira kece na tagane qo era turaga ni mataqali* nei tamadra.
10 O ira na bete, o Jitaia, o Jioiaripi, o Jakini,+
11 o Asaraia na luvei Ilikaia na luvei Mesulame na luvei Setoki na luvei Miraoci na luvei Etupi, e iliuliu ena vale* ni Kalou dina,
12 o Ataia na luvei Jiroame na luvei Pasuri na luvei Malikaia, o Masei na luvei Etieli na luvei Jasera na luvei Mesulame na luvei Misilemeci na luvei Ima,
13 kei na tacidra era turaga ni mataqali nei tamadra era le 1,760, era tagane qaqa, era yaga ena veiqaravi ena vale ni Kalou dina.
14 O ira na Livai, o Semaia+ na luvei Asupi na luvei Asirikame na luvei Esapaia, eratou kawa nei Mirari,
15 o Pakipakari, o Eresi, o Kalali, kei Matanaia na luvei Mika na luvei Sikiri na luvei Esafa,
16 o Opetaia na luvei Semaia na luvei Kalali na luvei Jitucuni, kei Perekaia na luvei Esa na luvei Elikana, a tiko ena nodra itikotiko na kai Nitofa.+
17 O ratou na ivakatawa ni matamata+ o Salumi, o Akupi, o Talimoni, kei Eimani, e nodratou iliuliu o Salumi na tacidratou,
18 eratou dau tiko ga ena matamata ni tui ena tokalau.+ Qo o ratou na ivakatawa ni matamata ni nodra keba na luvei Livai.
19 O Salumi na luvei Kore na luvei Epaiasafi na luvei Kora kei ira na tacina ena mataqali nei tamana, o ira na luvei Kora era raica na itavi me qaravi, era ivakatawa ni katuba ni valelaca, era dau raica na tukadra na keba i Jiova mera yadrava na icurucuru.
20 E lewai ira e liu o Finiasi+ na luvei Eliesa,+ e tokoni koya o Jiova.
21 O Sakaraia+ na luvei Meselimaia e dau ivakatawa ni matamata ena icurucuru ni valelaca ni veitavaki.
22 O ira na digitaki mera ivakatawa ni matamata ena ilago era le 212 kece. Era tiko ena nodra itikotiko me vaka na nodra iyatukawa.+ Erau lesi ira qori ena nodra itavi o Tevita kei Samuela na dauraivotu.+
23 O ira kei na luvedra era yadrava tiko na matamata ni vale i Jiova,+ oya na valelaca.
24 Era tiko na ivakatawa ni matamata ena yasana vava, ena tokalau, ena ra, ena vualiku, kei na ceva.+
25 Era dau lako yani na tacidra era tiko ena nodra itikotiko mera tomani ira ena nodra veiqaravi me vitu na siga.
26 Eratou nuitaki e le va na iliuliu* ni ivakatawa ni matamata. Eratou Livai, eratou lewa na rumu* kei na iyau ni vale ni Kalou dina.+
27 Eratou na tiko vakavolivolita na vale ni Kalou dina ena bogi ni nodratou itavi me ratou yadrava, me ratou dolava tale ga na vale ena veimataka ni tiko vei ratou na ki.
28 Eso vei ira era lewa na iyaya ni veiqaravi,+ era dau wilika nira kauta i loma, era wilika tale ga nira kauta i tuba.
29 Era lesi eso mera lewa na iyaya, na iyaya kece e vakatabui,+ na falawa vinaka sara,+ na waini,+ na waiwai,+ na drega boivinaka,+ kei na waiwai vakaisaluaki.+
30 Eso na luvedra tagane na bete era ulia na isaluaki ni ilumu boivinaka.
31 O Maticaia e dua vei ira na Livai, na ulumatua nei Salumi na luvei Kora e nuitaki me lewa na ka e tavu ena itavuteke.+
32 Eso na tacidra era luvei Koaca, era lewa na madrai yatuni,*+ mera vakarautaka ena siga ni vakacecegu kece.+
33 Qo kece o ira na daulagasere, era turaga ni mataqali na Livai era tiko ena rumu,* era vagalalataki mera kua ni cakava eso tale na cakacaka, nira qarava na nodra itavi ena siga kei na bogi.
34 Qo na nodra turaga ni mataqali na Livai ena nodra iyatukawa. Era tiko mai Jerusalemi.
35 Na tamai Kipioni o Jaeli, e tiko mai Kipioni.+ Na yaca i watina o Meaka.
36 Na nona ulumatua o Apitoni, e tarava o Suri, o Kisi, o Peali, o Neri, o Netapi,
37 o Kitori, o Eio, o Sakaraia, kei Mikiloci.
38 O Mikiloci e tamai Semeami. O ratou kece qo eratou tiko volekati ira na tacidra e Jerusalemi, kei na so tale na tacidra.
39 O Neri+ e tamai Kisi, o Kisi e tamai Saula,+ o Saula e tamai Jonacani,+ Malikisua,+ Epinatapi,+ kei Esipeali.
40 Na tagane na luvei Jonacani o Meripi-peali.+ O Meripi-peali e tamai Maika.+
41 O ratou na tagane na luvei Maika o Piconi, o Meleki, o Tarea, kei Easi.
42 O Easi e tamai Jara, o Jara e tamai Alemeci, Asimavece, kei Simirai. O Simirai e tamai Mosa.
43 O Mosa e tamai Pina, o Rifaya na luvena tagane, o Iliasa na luvena tagane, o Aseli na luvena tagane.
44 E ono na tagane na luvei Aseli, qo na yacadratou, o Asirikame, o Pokiru, o Isimeli, o Siaraia, o Opetaia, kei Anani. Qo o ratou na tagane na luvei Aseli.
iVakamacala e ra
^ Se “na Necinimi.” Ipe., “o ira na soli.”
^ Ipe., “nodra turaga na tamadra ena vuvale nei tamadra.”
^ Se “valenisoro.”
^ Se “rumunikana.”
^ Ipe., “tamata qaqa.”
^ Oya na madrai dauraici.
^ Se “rumunikana.”
