LESONI 34
Eda na Vakaraitaka Vakacava Nida Lomani Jiova?
O vakila ni o volekata na Kalou ena gauna o vulica kina na iVolatabu? O vinakata mo vaqaqacotaka tiko ga nomu veiwekani kei koya? Ke dina qori, nanuma tiko ke raica o Jiova ni o lomani koya vakalevu, ena kauaitaki iko qai lomani iko tale ga vakalevu. O na vakaraitaka vakacava ni o lomani Jiova?
1. Eda na vakaraitaka vakacava vei Jiova nida lomani koya?
Eda vakaraitaka nida lomani Jiova nida talairawarawa vua. (Wilika 1 Joni 5:3.) O Jiova e sega ni vakasaurarataka e dua me talairawarawa vua. Ia e solia tu na galala meda vakatulewataka meda talairawarawa vua se sega. Na vuna? E vinakata o Jiova meda ‘talairawarawa mai vu ni lomada.’ (Roma 6:17) Kena ibalebale, e vinakata o Jiova mo talairawarawa vua baleta ni o lomani koya, sega ni o vakasaurarataki. E vakarautaki na iwasewase 3 kei na 4 ni ivola qo, me vukei iko mo vakaraitaka nomu lomani Jiova ni o cakava na ka e vakamarautaki koya qai kua ni cakava na ka e cata.
2. Na cava ena via dredre kina mo vakaraitaka nomu lomani Jiova?
“E levu na dredre e vakila na yalododonu.” (Same 34:19) Eda dau rarawataka noda ivalavala ca. De dua eda sotava tale ga na dredre ni bula vakailavo, na veika tawadodonu kei na so tale. Nida sotava gona qori, de dua ena sega ni rawarawa meda cakava na ka e vinakata o Jiova. Na vuna? Ni dau rawarawa ga meda cakava na ka eda vinakata. Ia ni o yalodina ni muria na ka e vinakata o Jiova, e vakaraitaka ni o lomani koya vakalevu. E vakadeitaka ni o yalodina vua, ena yalodina tale ga vei iko o Jiova. Ena sega vakadua ni biuti iko.—Wilika Same 4:3.
VAKEKELI
Dikeva na vuna e bibi kina vei Jiova nomu talairawarawa, qai vulica na ka mo cakava mo yalodina tiko ga kina.
3. Na ile e okati kina o iko
E tukuni ena ivola na Jope ni o Setani e beitaki Jope kei ira kece na via qaravi Jiova. Wilika Jope 1:1, 6–2:10, qai veivosakitaka na taro qo:
-
Me vaka e tukuna o Setani, na cava e talairawarawa kina o Jope vei Jiova?—Raica Jope 1:9-11.
-
Na cava e tukuna o Setani me baleta na kawatamata, wili kina o iko?—Raica Jope 2:4.
Wilika Jope 27:5b, qai veivosakitaka na taro qo:
-
E vakaraitaka vakacava o Jope ni lomani Jiova vakalevu?
E vakaraitaka o Jope nona lomani Jiova ni yalodina tiko ga vua
Eda na vakaraitaka nida lomani Jiova nida yalodina tiko ga vua
4. Vakamarautaka na loma i Jiova
Wilika Vosa Vakaibalebale 27:11 qai veivosakitaka na taro qo:
-
Na cava na rai i Jiova ni o vuku qai talairawarawa vua? Na vuna?
5. O rawa ni yalodina vei Jiova
Nida lomani Jiova ena uqeti keda qori meda tukuni koya. Ke dredre mada ga na ituvaki, eda na yalodina tiko ga vua. Sarava na VIDIO, qai veivosakitaka na taro tarava.
-
E dau dredre mo tukuni Jiova vei ira eso tale?
-
Ena vidio, na cava e vukei Etuate me kua ni rere?
Ena rawarawa meda yalodina vei Jiova nida taleitaka na ka e taleitaka da qai cata na ka e cata. Wilika Same 97:10, qai veivosakitaka na taro qo:
-
Ena ka o sa vulica, na cava eso na ka e taleitaka o Jiova? Na cava eso na ka e cata o koya?
-
O na vulica vakacava mo taleitaka na ka vinaka qai cata na ka ca?
6. E yaga noda talairawarawa vei Jiova
Dua na ka vinaka duadua na noda talairawarawa vei Jiova. Wilika Aisea 48:17, 18, qai veivosakitaka na taro qo:
-
O nanuma ni o Jiova duadua ga e kila na ka ena vinaka duadua vei keda? Na vuna?
-
Sa yaga tiko vakacava nomu vulica na iVolatabu kei na Kalou dina o Jiova?
KA ERA KAYA ESO: “E sega ni kauaitaka na Kalou na ka au cakava.”
-
Na tikinivolatabu cava o rawa ni vakayagataka ni kauaitaka o Jiova na ka eda cakava?
KA O VULICA
O na vakaraitaka nomu lomani Jiova ni o talairawarawa vua qai yalodina tiko ga ni sotavi na ituvaki dredre.
Railesuvi
-
Na cava o vulica ena ivakaraitaki i Jope?
-
O na vakaraitaka vakacava ni o lomani Jiova?
-
Na cava ena vukei iko mo yalodina tiko ga vei Jiova?
IKURI
Dikeva na sala mo yalodina kina vei Jiova kei na ivavakoso.
Vulica e levu tale na veibeitaki i Setani.
“E Yalodina Tiko ga o Jope” (iTukutuku ena iVolatabu wase 6)
Dikeva nira rawa ni lomani Jiova tale ga na lalai.
E rawa vakacava nira yalodina vua na Kalou na itabagone nira vakatovolei vei ira na nodra icaba?
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
