AU LESI ena 1964 meu lai painia lavotaki e Manokwari, West Papua, ena ivavakoso era tusaqata tiko vakaukaua na italatala. Niu yaco ga e kea, e lakovi au sara yani ena noqu vale e dua na italatala ni lotu Tawase.

E kailavaka: “Au na talaraka na vale qo, au na vakawabokotaki ira tale ga na iVakadinadina i Jiova e Manokwari.”

Au sega ni rere ena ituvaki e yaco qori niu a ovisa tu e liu. Au vosa vakayalovinaka ga vua, e biubiu sara.—1 Pita 3:15.

A se walu ga na dautukutuku ena gauna ya e Manokwari. Ia ena gauna qo, ni oti e 50 vakacaca na yabaki, sa vitu na ivavakoso ena yasayasa ya. Era tiko ena soqo ni veiwasewase ena 2014 e sivia na le 1,200. Dua na ka noqu marau niu raica na veika sa cakava o Jiova ena vanua tu yawa qo.