E IVUREVURE levu ni ilavo ena ika16 ni senitiuri na isaluaki, me vaka ga na kena rawailavo tiko vakalevu ena gauna qo na waiwai. Na isaluaki me vaka na nutmeg kei na clove e kau mai na veiyatuyanuyanu rogo e vakatokai na Spice Islands (sa kilai nikua me yasana o Maluku kei North Maluku e Idonisia). E rawailavo vinaka sara na rua na isaluaki qori ni lai volitaki e Urope.

Era sasaga na dau sikovanua me vakataki Christopher Columbus, Vasco da Gama, Ferdinand Magellan, Samuel de Champlain, kei Henry Hudson mera yaco sara ina veiyatuyanuyanu e tu kina na isaluaki. Na cakacaka gona ni vaqara isaluaki qori e Idonisia, sa qai kilai kina e levu na ka me baleta na vuravura.