Ena gauna veilecayaki qo, eda na rairai sega ni lewa rawa eso na ituvaki eda sotava. Ia na noda marau e vakatau vakalevu ena noda ivakarau ni rai, sega ni ituvaki eda sotava. E kaya na iVolatabu me baleti ira “na tamata mamarau,” nira na “marautaka tu ga na bula.” (Vosa Vakaibalebale 15:​15, Good News Translation) Cava meda cakava meda rawa ni marau vakalevu? Dikeva na sala e rawa ni yaga kina vei iko na ivakasala vakaivolatabu.

 E kaya na iVolatabu: “Na nuiqawaqawa ni loma ni tamata e lomabibi kina, ia na vosa vinaka ena vakamarautaka.”​—Vosa Vakaibalebale 12:25.

•   Na iVolatabu e rawa ni vukei iko mo kua ni nuiqawaqawa se lomaocaoca vakalevu. Mo kila eso tale na ka, wilika na ulutaga “Cava e Kaya na iVolatabu me Baleta na Lomaocaoca?.”

 E kaya na iVolatabu: “Na itokani dina e loloma ena veigauna, e tacida ena gauna ni rarawa.”​—Vosa Vakaibalebale 17:17.

•   E tiko ena iVolatabu na ivakasala e rawa ni vukei iko mo valuta na galili. Kena ivakaraitaki, ena vukei iko veitokani vinaka kei ira eso tale. Wilika na ulutaga “Na Veitokani ena Valuta na Galili​—Yaga Vakacava na iVolatabu?.”

 E kaya na iVolatabu: “Mo lomani Jiova na nomu Kalou ena lomamu taucoko, ena nomu vinaka taucoko, kei na nomu vakasama taucoko. . . . Mo lomana na kainomu me vaka nomu lomani iko.” a​—Maciu 22:​37-39.

•   Na masu e rawa ni uqeti keda meda lomana vakalevu na Kalou. Mo kila eso tale na ka, wilika na ulutaga “E Dau Rogoca na Kalou Noda Masu?”

•   Eda vakaraitaka noda lomani ira eso tale nida muria na Vunau Koula. Mo kila eso tale na ka, wilika na ulutaga “Na Cava na Vunau Koula?”

 Vacava mo vulica eso tale na ka ena iVolatabu mo rawa ni marau qai kua ni lomaleqa vakalevu? Keimami sureti iko mo tovolea neimami ituvatuva ni vuli iVolatabu e sega ni saumi.