Ena ika27 ni Janueri 2023, era vakananuma kina e levu na International Holocaust Remembrance Day (Vakananumi Nodra Labati Vakayauyau na Jiu). Na veivakamatematei vakadomobula a caka ena sivia na 75 na yabaki sa oti, o na rairai via kila sara ga na vuna e vakalaiva kina na Kalou me yaco qori.

•   Mo kila na ka e kaya na iVolatabu, wilika na ulutaga “Cava Era Labati Vakayauyau Kina na Jiu? Cava e Sega ni Tarova Kina na Kalou?”

 Era vakalolomataki vakalevu na Jiu, qai vica vata na milioni era labati. Eso tale era vakacacani qai vakamatei, wili kina o ira na iVakadinadina i Jiova era vakacacani ena vuku ni nodra vakabauta.

•   Mo kila eso tale na ka, wilika na ulutaga “Na Cava Era Sotava na iVakadinadina i Jiova ena Gauna i Itala?”

 Levu era leqataka ni na rawa ni yaco tale na veivakamatematei va qori. Ia eda marau ni yalataka na iVolatabu ni na sega ni yaco tale na veika rarawa qori ena gauna se bera mai.

•   “‘Niu kila vinaka na ka au nanuma tiko me baleti kemuni,’ e kaya o Jiova, ‘na nanuma moni tikovakacegu moni kua ni rarawa, meu solia vei kemuni na inuinui kei na ka moni namaka ena gauna se bera mai.’”—Jeremaia 29:11. a

 Ena yaco dina na inuinui qori ni sa na vakaotia na Kalou o Jiova na veika ca, kei na rarawa e vu mai kina. Sa na vakarau:

•   Vakarusai ira na dau vakaleqai ira eso tale.—Vosa Vakaibalebale 2:22.

•   Vakabulai ira na rarawa.—Vakatakila 21:4.

•   Vakaturi ira na mate mera bula e vuravura.—Joni 5:28, 29.

 O rawa ni nuitaka na itukutuku veivakacegui ena iVolatabu. Mo kila na vuna, keimami sureti iko mo vulica wale na iVolatabu.