YADRA TIKO!
2023: Levu Kina na Nuiqawaqawa—Cava e Kaya na iVolatabu?
Ena 2023, e levu na ka e yaco e veiyasa i vuravura e vakadinadinataki kina nida sa donuya tu qo na gauna e vakatoka na iVolatabu me “iotioti ni veisiga.” (2 Timoci 3:1) Dikeva ni iVolatabu sa parofisaitaka tu mai na veika e yaco tu nikua.
Na iVolatabu kei na ka sa yaco tu nikua e vuravura
“iValu kei na itukutuku ni ivalu.”—Maciu 24:6.
“E tubu tiko ga na itovo kaukaua ena levu na vanua e veiyasa i vuravura.” a
Raica na ulutaga “O Cei ena Vakabulai Ira na Lewenivanua?” kei na “Levu na iLavo e Vakayagataki ena iValu.”
“Uneune ena levu na vanua.”—Marika 13:8.
“Tekivu mai na 2023, sa yaco oti e 13 na uneune e veiyasa i vuravura. E sivia na 7 na kedra kaukaua, qori na iwiliwili levu duadua me volatukutukutaki ena loma ni dua na yabaki.” b
Raica na ulutaga “Vakacaca na Uneune e Taki kei Siria.”
“iVakatakilakila lelevu.”—Luke 21:11.
“Sa qai ca duadua na ivakatagedegede ni katakata sivia ni draki e yaco tiko qo e veiyasa i vuravura.”—António Guterres, vunivola levu ni Matabose kei Vuravura. c
Raica na ulutaga “Katakata Sivia na Draki e Veiyasa i Vuravura.”
“Leqa ni kakana.”—Maciu 24:7.
“2023: Dua tale na yabaki ni lomaocaoca vei ira na vuvale ena vaqarai ni kakana mera kania.” d
Raica na ulutaga “Na iValu kei na Veisau ni Draki e Vakavuna na Leqa ni Kakana.”
“Duatani sara na iotioti ni veisiga.”—2 Timoci 3:1.
“Rauta ni dua na ikawalu na lewenivanua e veiyasa i vuravura e tauvi ira na mate ni vakasama.” e
Raica na ulutaga “Mate ni Vakasama Vei Ira na iTabagone.”
Cava meda namaka ena 2024?
Eda sega ni kila na ka ena yaco ena 2024. Ia na veika sa yaco tu qo e vuravura e dusia ni sa vakarau sosomitaka na veiliutaki vakatamata na Matanitu ni Kalou. Ena vakaotia tale ga na veika e vakavuna na rarawa kei na nuiqawaqawa.—Taniela 2:44; Vakatakila 21:4.
Ke da nuiqawaqawa tiko ena gauna qo, meda nuitaka ga na veivuke i Jiova. E kaya na iVolatabu:
“Niu rere, au nuitaki kemuni ga.”—Same 56:3.
Eda na vakaraitaka vakacava nida nuitaka na Kalou? Keimami sureti iko mo vulica na ka e yalataka na iVolatabu me baleta na gauna se bera mai ena sega kina na rarawa. Tovolea mada neimami ituvatuva ni vuli iVolatabu e sega ni saumi, o na raica kina na sala ena yaga kina vei kemudou vakavuvale na ka e yalataka na iVolatabu.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, Okotova 30, 2023.
b Earthquake News, “Year 2023: Number of Major Earthquakes on Course for Record,” Me, 2023.
c United Nations, “Secretary-General’s Opening Remarks at Press Conference on Climate,” Julai 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” Okotova 10, 2023.
Rawa ni o Wilika Tale ga
ESO TALE NA ULUTAGA
iNuinui Totoka ena Veigauna se Bera Mai
Cava e duidui kina na ka era yalataka na tamata, kei na ka e yalataka na iVolatabu me baleta na veigauna se bera mai?
ESSENTIAL BIBLE TEACHINGS
Na Cava na Matanitu ni Kalou?
Ena cakacaka vakaitalatala i Jisu, e dau vakabibitaka na Matanitu ni Kalou. Sa balavu nodra masulaka tiko na nona imuri me yaco mai na Matanitu qori.
SAUMI NA TARO VAKAIVOLATABU
Rawa ni Vakacegui Au na iVolatabu?
Qo na tikinivolatabu sa vakacegui ira e levu era sotava na ituvaki dredre, kei na yalolailai.
YADRA!
Sala Mo Walia Kina na Lomaocaoca
Raica mada eso na ivakavuvuli yaga ena rawa ni vukei iko ena gauna o lomaocaoca kina, de dua ena vakalailaitaka tale ga.
VAKAMACALATAKI NA TIKINIVOLATABU
Vakamacalataki na Vakatakila 21:4—“Ena Qusia Tani . . . na Wainimata Kece”
E vakamacalataki ena tikinivolatabu qori na yalayala totoka ena gauna se bera mai.
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.
