Ceva kei Luzon kei na veiyanuyanu voleka

• Ena ika25 ni Okotova 2020, e vakacaca na cagilaba o Molave (kilai me Quinta ena Yatu Filipaini) ena yasayasa o Bicol ena ceva kei Luzon. Na kena kaukaua e vakacaca tale ga ena veiyanuyanu voleka

• Ena imatai ni Noveba 2020, e vakacaca na cagilaba o Goni (kilai me Rolly ena Yatu Filipaini) ena yanuyanu o Catanduanes ena ceva kei Luzon. E category 5 na kena kaukaua qai vakacaca ena vo tale ni yanuyanu. Eso na vanua qori a vakacaca kina na cagilaba o Molave

• Dua na ka na bi ni uca qai kaukaua na cagi. E waluvu e levu na vanua, boko na livaliva qai maca na wai. E dredre kina na veitaratara ena veivanua qori

• Na bi ni uca e vakavuna na sisi ni qele ena Ulunivanua o Mayon. Ra qai vakacacani e levu na vale era volekata na ulunivanua qori

• Era tokitaki mai nodra vale e vicavata na drau na dautukutuku

• E mavoa vakalailai e dua na tacida yalewa yabaki 89 ena gauna e biubiu mai kina nona vale. E vakarusai tale ga vakadua na nona vale

• E vakacacani e 134 na vale kei na 8 na Vale ni Soqoni

• E vakacacani vakalevu e 75 na vale kei na 8 na Vale ni Soqoni

• E vakarusai vakadua e 101 na vale kei na 1 na Vale ni Soqoni

• Era cakacaka vata na ivakatawa ni tabacakacaka, qase ni ivavakoso kei na ono na Komiti ni Vakacoko ena nodra vukei na tacida ena kakana, wai, vanua mera tiko kina kei na so tale na ka. Ena gauna vata qori e muri tiko na veidusimaki ni COVID-19 nira vakacegui na tacida era vakaleqai

Meda masulaki ira tiko ga na tacida era vakaleqai ena rua na leqa tubukoso qori. Eda nuidei o Jiova na ‘Tama ni yalololoma, na Kalou e dau veivakacegui,’ ena vakaukauataki ira na tacida ena gauna dredre qo.—2 Korinica 1:3.