Ena ika26 ina ika29 ni Okotova 2019, dua na ka na bi ni uca ena vualiku kei Rwanda. Era vakaleqai kina e levu na iVakadinadina i Jiova. E rarawataki tale ga nona ciritaki qai mate e dua na goneyalewa e yabaki 13, e luve ni iVakadinadina i Jiova ena vualiku ni Tikina o Musanze.

E vakacacani nodratou vale e dua na vuvale iVakadinadina i Jiova, okati kina nodratou iteitei e ciwa tale na vuvale ena Yasayasa vakaRa, ena Tikina o Ngororero. Sa tuvanaka na valenivolavola ni tabana e Rwanda na veivuke ena yasayasa qori, wili kina na ka era gadreva kei na nodra vakayaloqaqataki vakayalo.

Meda nanumi ira mada ga ena masu vei Jiova ni na vakacegui ira tiko ga na tacida era vakaleqai ena vakacaca qori.—2 Cesalonaika 2:16, 17.