Ena ika7 ni Janueri 2025, e tekivu e tolu na kama ena taudaku ni veiulunivanua e Los Angeles, Kalifonia e Merika. Oti e rua na siga, e yaco e tolu tale na kama ena yasayasa qori. a Na mamaca ni draki kei na kaukaua ni cagi e rauta ni 160 na kilomita ena dua na aua, e lai vakavuna me tete totolo na kama.

Na kama qo e vakacacana e sivia e 40,000 na eka ni vanua. E kama yavu e rauta ni 12,000 na vale kei na vanua ni bisinisi. Era vakaroti e sivia ni le 130,000 mera biuta nodra itikotiko, qai vica vata na udolu e boko nodra livaliva. E ripotetaki nira mate e rauta ni le 24.

Qo na iwiliwili e tauri mai ena vanua e vakacacani.

• Sega ni dua e mate se mavoa

• Tokitaki e 1,068 na dautukutuku

• Vakarusai e 83 na vale

• Vakacacani vakalevu e tolu na vale

• Vakacacani vakalailai e 12 na vale

• Sega ni vakarusai se vakacacani na Vale ni Soqoni

• Era veivakayaloqaqataki na ivakatawa ni tabacakacaka kei ira na qase ni ivavakoso vei ira na tacida era vakaleqai ena kama qo. Era vakarautaka tale ga na veika era gadreva. E gole e dua na lewe ni Komiti ni Tabana me vakayaloqaqataki ira na mataveitacini

• Vakayagataki e 2 na Vale ni Soqoni me qaravi kina na ka ni veivuke

• Tuvanaki e dua na Komiti ni Vakacoko me raica nodra vukei na tacida

Meda masulaki ira tiko na tacida kei ira na vakaleqai ena kama qori. Da qai vakanamata ena yalayala ni Kalou ni sa na sega tale na leqa tubukoso, kei na rarawa e vakavuna.​—Vakatakila 21:4.