Bible mu nsɛm a ɔbɔboa wo:

• 1Sa 16:​16-23—Aber a nna David yɛ aberantsɛ no, nna wonyim no dɛ onyim ndwom tow papaapa. Ɔdze dɛm adomakyɛdze no boaa Israelhen no aber a nna oruhu amandze

• 2Mb 2:​13, 14—Nna Hiram-abi nyim edwuma papaapa na ɔno maa Ɔhen Solomon nyaa no do mfaso paa aber a nna worisi Jehovah n’asɔrfi no

Bible mu nsɛm a ɔbɔboa wo:

• Ge 24:​10-21—Rebekah yɛɛ edwuma ma ɔboor mbrɛ nna Abraham no somfo no hwɛ kwan no mpo. Iyi maa obohun dɛ ɔyɛ mbɔdzembɔfo na ɔmmfa n’edwuma nndzi agor

• Php 2:​19-23—Ɔsomafo Paul dze hokwan akɛse hyehyɛɛ Timothy ne nsa osiandɛ nna ɔbrɛ no ho adze na afei so nna ɔayɛ krado dɛ ɔbɛyɛ edwuma biara a wɔdze bɛhyɛ ne nsa no

Bible mu asɛm a ɔbɔboa wo:

• Mbɛ 6:​6-11—Ɔhen Solomon dze mbrɛ pataakowa si yɛ edwumadzen no kyerɛɛ siantsir a mfaso wɔ do dɛ yɛbɛyɛ edwumadzen na yɛnnkɛyɛ akwadwefo

Bible mu nsɛm a ɔbɔboa wo:

• Ru 1:​16, 17; 2:​2, 3, 6, 7, 17, 18—Kunafo Ruth yɛɛ edwumadzen dze hwɛɛ n’asew Naomi

• Mt 15:​4-9—Jesus kasaa tsiaa hɔn a wɔdze hɔn som yi hɔnho ano na wɔnnhwɛ hɔn awofo no

Bible mu nsɛm a ɔbɔboa wo:

• Ge 31:​3-13—Nna Laban nye n’asew Jacob yɛ edwuma. Laban nye Jacob enndzi no yie, naaso Jehovah huu edwumadzen a Jacob yɛe no na ohyiraa no

• Ge 39:​1-6, 20-23—Jehovah hyiraa edwuma a Joseph yɛe aber a nna ɔyɛ akowa wɔ Potiphar ne fie nye aber a nna ɔda efiadze no nyina do

Bible mu nsɛm a ɔbɔboa wo:

• Lu 12:​15-21—Jesus yɛɛ mfatoho bi a ɔma yehu dɛ, nyansa nnyim dɛ yɛdze hɛn ber na hɛn ahoɔdzen nyina bɛyɛ edwuma apɛ sika akyɛn dɛ yɛbɛyɛ pii wɔ Jehovah no som mu

• 1Ti 6:​17-19—Ɔsomafo Paul tuu Christianfo a wɔyɛ adzefo no fo dɛ wɔnhwɛ yie na wɔammema hɔnho do, mbom ɔhyɛɛ hɔn nkuran dɛ wɔnyɛ “adzefo wɔ ndwuma pa mu”

Bible mu nsɛm a ɔbɔboa wo:

• Mt 25:​14, 15—Mfatoho a Jesus yɛe yi ma yehu dɛ onyim dɛ ɔsor dza n’ekyirdzifo no mu biara botum ayɛ

• Lu 21:​2-4—Jesus n’enyi sɔɔ ntoboa kakraabi a ɔbaa kunafo hianyi no yii no

Bible mu asɛm a ɔbɔboa wo:

• 2Ti 4:17—Ɔsomafo Paul kaa dɛ aber a nna ohia tum no ne nsa kae