Dza Paul Yɛe

Ebɛnadze Na Yesua Fi Dza Paul Yɛe No Mu?

2. Sɛ yebotum ahyɛ Bible adzesua ase a, ɔsɛ dɛ yenya nkorɔfo ho adagyer na yɛyɛ sankɔhwɛ a otu mpon.

 Suasua Paul

3. Kɔ nyimpa no nkyɛn wɔ ber a oye ma no. Bisa woho dɛ: ‘Ebɛn aber na mubotum asan nye no akɔbɔ nkɔmbɔ? Ebɛn aber na mohwɛ a ɔno so pɛ dɛ menye no kɔbɔ nkɔmbɔ, na ɔbɛpɛ dɛ yɛtoa do wɔ hen?’ Sɛ ber a ɔpɛ dɛ esan nye no bɔ nkɔmbɔ no nnyɛ mma wo mpo a, bɔ mbɔdzen yɛ wo mber nhyehyɛɛ yie na san enye no mbɔ nkɔmbɔ bio.

4. Bisa no ber a ɔbɛpɛ dɛ esan nye no kɔbɔ nkɔmbɔ. Aber biara a enye nyimpa no bɔbɔ nkɔmbɔ ewie no, ma ɔnka ber pɔtsee a ɔpɛ dɛ hom san kasa bio. Bɔ mbɔdzen dɛ ibedzi ber a ɔdze ahyɛ wo no do.

5. Mma mmpa abaw. Sɛ enntaa nnto nyimpa no wɔ fie anaa sɛ ihu dɛ onnyi adagyer a, mma mmper woho nnka dɛ n’enyi nngye asɛmpa no ho. (1 Cor. 13:​4, 7) Mma mmpa abaw wɔ noho, naaso ɔno so nnkyerɛ dɛ sɛ ihu dɛ nkɔmbɔ no ronnsow aba mpo a, nna eda ho ara resɛɛ wo ber wɔ noho.—1 Cor. 9:26.