ADZESUA 6
Kyerɛwsɛm A Wɔkyerɛkyerɛ Mu Ma No Mu Da Hɔ
John 10:33-36
DZA ƆSƐ DƐ EYƐ: Sɛ ekenkan kyerɛwsɛm bi wie a, kyerɛkyerɛ mu ansaana akɔ asɛm fofor do. Hwɛ hu dɛ w’etsiefo no ehu mbrɛ kyerɛwsɛm a ekenkanee no foa asɛm a erekã no do.
MBRƐ IBESI AYƐ NO:
-
Twe adwen si nkasafua etsitsir no do. Sɛ ekenkan kyerɛwsɛm bi wie a, ma etsiefo no nhu nkasafua a ɔwɔ mu a osi asɛntsitsir no do dua no. Mbrɛ ibotum ayɛ iyi nye dɛ ebɛsan esi dɛm nkasafua no do bio, anaa ibebisa asɛm bi a ɔbɛma w’etsiefo no dze hɔn adwen akɔ nkasafua etsitsir no do.
-
Twe adwen si asɛm a epɛ dɛ wɔhyɛ no nsew no do. Sɛ ekyerɛɛ siantsir a erebɛkan kyerɛwsɛm no a, ɔnodze aber a akan ewie no, ma etsiefo no nhu mbrɛ nkasafua etsitsir a ɔwɔ kyerɛwsɛm no mu no foa dɛm siantsir no do.
-
Mma mma wo nkyerɛkyerɛmu no nnyɛ pii dodow. Mma nnkã nsɛm afofor bi a no ho nnhia na ɔmmfoa asɛntsitsir no do no ho asɛm. Hwɛ dza w’etsiefo no nyim fa asɛntsir no ho, na gyina do paw nsɛm dodow a ibehia na ama wo nkyerɛkyerɛmu no mu aada hɔ na w’etsiefo no aatse ase.
