Jesus wɔ asaase do no, nna ɔdɔ nyimpa paa. Ɔdɔ a nna ɔwɔ ma nyimpa no maa ɔdze no nkwa bɔɔ afɔr maa hɛn. (Matthew 20:28; John 15:13) Ɔnnkɛkyɛr, ɔbɛsan so ayɛ biribi ama hɛn bio dze akyerɛ dɛ ɔdɔ hɛn. Sesei, ɔyɛ Nyankopɔn n’ahendzi no do hen, ntsi ɔbɔhwɛ ma “akodzi abɔ adze ekodu asaase ano.”​—Ndwom 46:9.

 Dza ɔbɛyɛ ama hɛn no, hwɛ mbrɛ Bible no ka ho asɛm:

•   ‘Ɔbɛgye hianyi a osu frɛ no, nye bɔbɔnyi nye nyia onnyi boafo so. Ɔbrɛfo nye hianyi asɛm bɛyɛ no mbɔbɔr, na ɔbɛgye ehiafo nkwa. Ɔbɛgye hɔn efi nhyɛdo nye etsirmɔdzensɛm mu, na hɔn bɔgya bo bɛyɛ dzen wɔ n’enyi do.’​—Ndwom 72:12-14.

 Yebesi dɛn akyerɛ dɛ, hɛn enyi sɔ dza Jesus ayɛ ama hɛn nye dza ɔbɛyɛ ama hɛn daakye no? Ehwɛ Luke 22:19 a, Jesus kaa kyerɛɛ n’ekyirdzifo dɛ wɔnkaa no wu no. Dɛm ntsi afe biara, sɛ dɛm da no dur a, Jehovah Adasefo a wɔwɔ wiadze nyina hyiamu kaa Jesus no wu no. Yɛto nsa frɛ wo dɛ, bɛka hɛnho Kwesida, March 24, 2024 ma yɛnkaa Jesus no wu no.

Hwehwɛ Nkaadzi Bi