Sɛ ekɔ Haiti man no mu a, emumuyɛ abu do wɔ hɔ. Nsɛmbɔndzi so ebu do wɔ South Africa na Mexico nye aman afofor a wɔwɔ Latin America no. Nkurow ahorow a emumuyɛ nnhyɛ da ara nnyi hɔ mpo no, ɔwɔ mu ara a ebɛtse dɛ woeewia obi ne ndzɛmba anaa wɔasɛɛ obi n’egyapadze.

 Ebɛnadze na Bible no aka afa emumuyɛ a ɔrokɔ do wɔ wiadze yi mu no ho?

 Bible ka dɛ emumuyɛ bɛka “wiadze ewiei ho asɛnkyerɛdze” no ho. (Matthew 24:3) Aber a Jesus Christ reka dɛm nsɛnkyerɛdze no ho asɛm no ɔkaa dɛ:

•   “Na osian emumuyɛ a ɔbɔdɔɔ so ntsi, nyimpa beberee hɔn dɔ n’ano bɔdwe.”​—Matthew 24:12.

 Bible no san ka dɛ “nda a odzi ekyir no mu” no nyimpa bɛyɛ “hɔn a wonnyi ahohyɛdo, abɔyafo, hɔn a wɔmmpɛ papa.” (2 Timothy 3:1-5) Dɛm suban ahorow yi ka ho bi na ndɛ emumuyɛ ebu do wɔ wiadze yi mu dɛm no.

 Naaso enyidado bi wɔ hɔ. Bible no hyɛ hɛn bɔ dɛ daakye emumuyɛ befi hɔ.

•   “Na aka kakrabaa, na omumuyɛfo nnyi hɔ. Nyew, ebɔhwehwɛ ne tsenabea ara yie, na onnyi hɔ. Na abrɛfo dze wobenya asaase no edzi; Na wɔagye hɔn enyi wɔ asomdwee pii mu.”​—Ndwom 37:10, 11.

 Sua pii ka enyidado a Bible no ka ho asɛm nye siantsir a ibotum agye edzi dɛ dza orisisi no yɛ nkɔm a wɔahyɛ wɔ Bible mu. Kenkan dza odzidzi do yi.

 “A Real Hope for a Better Tomorrow”

 “Ebɛn Ndzɛmba Na Sɛ Osisi A Ɔbɛkyerɛ Dɛ Yɛwɔ “Ewiei Ber” Anaa “Nda A Odzi Ekyir” No Mu?”

 “Did the Bible Predict the Way People Think and Act Today?”