Memenda April 13, 2024 no, ɔman a wɔfrɛ no Iran towee hyɛɛ ɔman Israel do. António Guterres a ɔyɛ Amanaman Nkabɔmu Kuw No Kyerɛwfo Panyin no reka ɔhaw yi ho asɛm no, ɔkaa dɛ: “Dɛm aber yi, ɔsɛ dɛ yɛyɛ biribi dze siw ɔhaw yi ano. Dɛm aber yi na ɔsɛ dɛ obiara hyɛ noho do amma ɔaannyɛ biribi a ɔdze akodzi bɛba.

 Akodzi a ɔrokɔ do wɔ wiadze yi mu no, Middle East dze no yɛ no mu kor.

 Bagua A Wɔhwɛ Amanaman Nkabɔmu Bambɔ Ho Nsɛm do no dze too gua wɔ January 26, 2023 dɛ: “Ofitsi Wiadze Ko A Otsia Ebien no, menntse moho ase a n’enyi yɛ nyan adɔɔ so wɔ wiadze yi mu sen ber biara a abɛsen kɔ, na iyi ama nyimpa ɔpepepem ebien ho aka.”

 Aman ahorow a woridzi ako no mu bi nye Gaza, Syria, Azerbaijan, Ukraine, Sudan, Ethiopia, Niger, Myanmar, na Haiti. a

 Ebɛn aber na akodzi yi begyaa? Ehwɛ a, wiadze etumfo botum dze asomdwee aba? Ebɛn asɛm na Bible no ka?

 Akodzi a ɔrokɔ do wɔ wiadze nyina no ma yehu dɛ ɔnnkɛkyɛr akodzi nyina no tun botwa. Dɛm akodzi yi ama Bible mu nkɔnhyɛ a ɔfa hɛn aber yi do ho no aba mu. Bible no frɛ mber a yɛtse mu yi dɛ “wiadze ewiei.”​—Matthew 24:3.

•   “Hom bɛtse akodzi nye ɔko ho amandzɛɛbɔ. . . . Na ɔman bɔsoɛr etsia ɔman, na ahendzi bɔsoɛr etsia ahendzi.”​—Matthew 24:6, 7.

 Kenkan asɛm a wɔato dzin, “Ebɛn Ndzɛmba Na Sɛ Osisi A Ɔbɛkyerɛ Dɛ Yɛwɔ “Ewiei Ber” Anaa “Nda Odzi Ekyir” No Mu?” Ibohu dɛ akodzi a ɔrokɔ do ndɛ no ama Bible nkɔnhyɛ yi aba mu.

 Bible aka dɛ akodzi nyina no tun botwa. Ebɛnadze na ɔbɛma iyi aba mu? Nyimpa nnkotum ama iyi aba mu, na mbom Amagedon ko no a. Kyerɛ dɛ, “adze nyina do Tumfo ne da kɛse ko” no na ɔbɛma akodzi nyina no tun etwa. (Nyikyerɛ 16:14, 16) Dɛm ko yi ba ewiei a, Nyankopɔn bɛma adasamba enya asomdwee afebɔɔ.​—Ndwom 37:10, 11, 29.

 Sɛ epɛ dɛ ihu mbrɛ Nyankopɔn ne da kɛse ko no besi ama akodzi nyina no tun etwa a, kenkan asɛm a wɔato dzin “What Is the Battle of Armageddon?”