Nna Apaho no yɛ afahyɛ tsitsir ankasa. Dɛm anafua no, aber a Pharaoh hun dɛ n’abakan ewu no, ɔkãa kyerɛɛ Moses dɛ: “Hom nsoɛr, hom mfi me man mu mfir, hom nye Israelmba no nyina; na hom nkɔ nkɔsom [Jehovah], dɛ mbrɛ hom akã no.” (Ex 12:31) Jehovah daa no edzi dɛ ɔbɔ no nkorɔfo ho ban.

Sɛ yɛhwɛ Jehovah no nkorɔfo a wɔwɔ hɔ ndɛ no abakɔsɛm a, ɔda edzi pefee dɛ Jehovah kɔ do ara bɔ no nkorɔfo ho ban na ɔkyerɛ hɔn kwan. Tsetse ndzɛmba bi a wɔakora do wɔ Warwick na wɔato dzin “Nkorɔfo Ma Jehovah Ne Dzin” no si dɛm asɛm yi do dua.

HWƐ VIDEO A WƆATO DZIN TSETSE NDZƐMBA A WƆAKORA DO WƆ WARWICK HO NSERAHWƐ: “NKORƆFO MA JEHOVAH NE DZIN” NO, NA YIYI NSƐMBISA A ODZIDZI DO YI ANO:

• Wɔ 1914 n’ahyɛse no, Bible Esuafo no dze edwindadze bi a nna obiara nnyɛɛ bi da no dzii dwuma dze maa afofor nyaa Bible no mu gyedzi. Ɔyɛ ebɛn edwindadze, na ebɛn mfaso na ofii mu bae?

• Ebɛn nsɛndzendzen na ɔsoɛree wɔ 1916 nye 1918, na ebɛnadze na ɔdaa no edzi dɛ nna Jehovah rekyerɛ ahyehyɛdze no kwan?

• Ebɛn kwan do na Jehovah no nkorɔfo ekura hɔn gyedzi mu ɔmmfa ho ɔtaa a wohyiae no?

• Ebɛn ntseasee fofor na Jehovah no nkorɔfo nsa kae wɔ 1935 mu, na iyi maa wɔyɛɛ dɛn?

• Sɛ akɔhwɛ dɛm tsetse ndzɛmba a wɔakora do yi bi anaa akɔhwɛ ndzɛmba bi a wɔada no edzi wɔ wo man mu Bethel a, ebɛnadze na ihunii a wɔahyɛ wo gyedzi mu dzen dɛ Jehovah robɔ no nkorɔfo ho ban na ɔrekyerɛ hɔn kwan?