January 20-26
NDWOM 138-139
Ndwom 93 Nye Mpaabɔ | Mbue-Enyim Nsɛm (Min. 1)
1. Mma Mma Wo Yamu Nnhyehye Wo
(Min. 10)
Yɛpɛ dɛ yefi hɛn akoma nyina mu yi Jehovah ayɛw (Nd 138:1)
Sɛ epɛ dɛ ema mbuae wɔ asafo nhyiamu ase, naaso wo yamu hyehye wo a, fa woho to Jehovah do na ɔbɔboa wo (Nd 138:3)
Sɛ wo yamu hyehye wo a, mfom nnyi ho (Nd 138:6; w19.01 10 ¶10)
Nyansahyɛ: Sɛ ema wo mbuae yɛ ntsiatsia a, ɔremma wo yamu nnhyehye wo pii.—w23.04 21 ¶7.
2. Pɛnsapɛnsa Bible Mu
(Min. 10)
-
Nd 139:23, 24—Dɛ mbrɛ kyerɛwsɛm yi ma yehu no, yebotum aserɛ Nyankopɔn no sunsum krɔnkrɔn no ma ɔaaboa hɛn ma yaayɛ ebɛnadze? (w20.05 29 ¶12)
-
Eyɛɛ dapɛn yi Bible akenkan no mu mpɛnsampɛnsamu no, ebɛn adze na ihunii a epɛ dɛ eka ho asɛm?
3. Bible Akenkan
(Min. 4) Nd 139:1-18 (th adzesua 2)
4. Ber A Epɛ Dɛ Ehyɛ Nkɔmbɔ Ase
(Min. 3) BAGUA MU ADASEDZI. (lmd adzesua 2 nkyekyɛmu 3)
5. Yɛ Esuafo
(Min. 4) BAGUA MU ADASEDZI. Yɛ Bible adzesua ho nhyehyɛɛ na ma nyimpa no nhu mbrɛ yesi nye nkorɔfo sua Bible no. (lmd adzesua 10 nkyekyɛmu 3)
6. Ɔkasa
(Min. 5) ijwyp asɛm 105—Asɛntsir: Mibesi Dɛn Edzi Fɛr Do? (th adzesua 16)
Ndwom 59
7. Sɛ Efɛr Adze Mpo A, Asɛnka Edwuma No Botum Ayɛ Wo Dɛw
(Min. 15) Nkɔmbɔ.
Efɛr adze anaa? Ɔyɛ dzen ma wo dɛ ebɔkɔ nyimpa mu? Sɛ obesi wo tsir mu dɛ ɔsɛ dɛ enye nkorɔfo bɔ nkɔmbɔ a, nna wo yamu ahye wo anaa? Ɔtɔ da a, ebɔhwɛ no nna yɛpɛ dɛ yɛyɛ biribi naaso fɛr ntsi nna yenntum annyɛ. Naaso nyimpa pii etum edzi fɛr do ma woetum mpo aka Bible mu asɛm akyerɛ nkorɔfo, na hɔn enyi abɛgye asɛnka edwuma no ho. Yebesi dɛn esuasua hɔn?
Yi VIDEO a wɔato dzin Meyɛɛ Dza Mubotum Nyina Ɔmmfa Ho Dɛ Mefɛr Adze. Afei bisa dɛ:
-
Akyerɛbaa Lee ne nanabasia tuu no fo dɛ omfi n’akoma nyina mu nsom Jehovah. Ebɛn kwan do na dɛm afotu yi aboa no?
Bible no ma yehu dɛ nna Moses, Jeremiah, na Timothy nyina mpo fɛr adze. (Ex 3:11; 4:10; Jer 1:6-8; 1Ti 4:12) Naaso wotumii yɛɛ ndzɛmba akɛse wɔ Jehovah no som mu osiandɛ nna Jehovah ka hɔn ho. (Ex 4:12; Jer 20:11; 2Ti 1:6-8)
Kenkan Isaiah 43:1, 2. Afei bisa dɛ:
-
Ebɛn bɔ na Jehovah dze ahyɛ n’asomfo?
Jehovah besi dɛn aboa hɔn a wɔfɛr adze no ma hɔn enyi agye asɛnka edwuma no ho?
Yi VIDEO a wɔato dzin Mbrɛ W’enuma No Bɛma W’enyigye Ayɛ Kɛse—Ne Fa Bi. Afei bisa dɛ:
-
Ebɛn adze na ɔmaa Akyerɛbaa Jackson hun dɛ Jehovah dze no tum no roboa no wɔ n’asɛnka edwuma no mu?
-
Sɛ obi fɛr adze a, asɛnka edwuma no besi dɛn aboa no?
8. Asafo Bible Adzesua
(Min. 30) bt tsir 21 ¶8-13, adakaba a ɔwɔ kr. 169
