Aso ɔsɛ dɛ idzi kan kã kyerɛ hɛn ansaana aba nserahwɛ? Nyew. Sɛ nyimpa a wɔreba nserahwɛ no dɔɔ sõ o, wɔnndɔɔ sõ o, yɛserɛ dɛ hom ndzi kan mbɔ hɛn amandzɛɛ ansaana hom aba nserahwɛ. Iyi remma ahokyer mmba ha osian nyimpadɔm a wɔbɛba ebegu ha no ntsi, na woara so w’enyiwa aagye wɔ wo nserahwɛ no mu. Dzi kan bɔ hɛn amandzɛɛ aber a wɔaka dapɛn kor anaa dza ɔbor dɛm ma aaba nserahwɛ no. Sɛ da a edze bɛba nserahwɛ no yɛ dapɔnda a, ɔnodze yɛhyɛ wo nkuran dɛ kã kyerɛ hɛn ntsɛm koraa ana ber no aasõ.

Sɛ enndzi kan ammbɔ hɛn amandzɛɛ na sɛ eba a, ana ibotum akɔ nserahwɛ no? Sɛ enndzi kan ammbɔ hɛn amandzɛɛ na sɛ eba a, ɔbɛyɛ dzen dɛ yɛnye wo bɔkɔ nserahwɛ no. Beebi a yɛgye ahɔho no nnsõ ahen biara, ntsi wɔ da kor biara no, yɛwɔ nyimpa dodow bi a yebotum nye hɔn akɔ nserahwɛ.

Ebɛn aber na ɔsɛ dɛ edu ha? Sɛ ibotum ahyɛ aprɔwbɔ no ase wɔ ber ano a, yɛserɛ dɛ bɔ mbɔdzen du ha annyɛ yie koraa no dɔnhwer kor ansaana ber a ekãa dɛ edze bɛba no asõ.

Ebɛyɛ dɛn abɔ hɛn amandzɛɛ dɛ ereba nserahwɛ? Klek ɔfã a wɔato dzin “Mepɛ Dɛ Meyɛ Nserahwɛ Ho Nhyehyɛɛ” no do.

Sɛ eyɛ nhyehyɛɛ no wie a, ibotum asesa no anaadɛ etwa mu a? Nyew. Klek ɔfã a wɔato dzin “Mepɛ Dɛ Mesesa Me Nserahwɛ Ho Nhyehyɛɛ” no do.

Da a nkyɛ epɛ dɛ eba nserahwɛ no, sɛ kwan no nyinara ayɛ mã so ɛ? Ofi ber to ber no, ɔyɛ a san hwɛ. Sɛ binom sesa hɔn nserahwɛ ho nhyehyɛɛ anaa wotwa mu a, kwan tum bɛda hɔ.

Farm 23 A Makeni Road

Opposite Makeni Police Station

LUSAKA

ZAMBIA

Wɔkyerɛ Bible ho nwoma ahorow ase kɔ kurow mu hɔ kasa ahorow 18 mu. Wɔdze nwoma nye dza ɔkã ho mona Jehovah Adasefo asafo ahorow 3,605 a ɔwɔ Zambia.

Twe Nserahwɛ Nwomaba No Bi