Edwumayɛbea Nye Nserahwɛ Ho Nsɛm
Yɛdze enyigye to nsa frɛ wo dɛ bra bɔhwɛ hɛn edwumayɛbea nye tsintsimbea ahorow. Hwehwɛ mbea a wɔwowɔ nye mber a ibotum dze abɛsera hɔ.
Britain
Nserahwɛ Ho Nhyehyɛɛ
Aso ɔsɛ dɛ idzi kan kã kyerɛ hɛn ansaana aba nserahwɛ? Nyew. Sɛ nyimpa a wɔreba nserahwɛ no dɔɔ sõ o, wɔnndɔɔ sõ o, yɛserɛ dɛ hom ndzi kan mbɔ hɛn amandzɛɛ ansaana hom aba nserahwɛ. Iyi remma ahokyer mmba ha osian nyimpadɔm a wɔbɛba ebegu ha no ntsi, na woara so w’enyiwa aagye wɔ wo nserahwɛ no mu.
Sɛ enndzi kan ammbɔ hɛn amandzɛɛ na sɛ eba a, ana ibotum akɔ nserahwɛ no? Sɛ enndzi kan ammbɔ hɛn amandzɛɛ na sɛ eba a, ɔbɛyɛ dzen dɛ yɛnye wo bɔkɔ nserahwɛ no. Beebi a yɛgye ahɔho no nnsõ ahen biara, ntsi wɔ da kor biara no, yɛwɔ nyimpa dodow bi a yebotum nye hɔn akɔ nserahwɛ.
Ebɛn aber na ɔsɛ dɛ edu ha? Sɛ ibotum ahyɛ aprɔwbɔ no ase wɔ ber ano a, yɛserɛ dɛ bɔ mbɔdzen du ha annyɛ yie koraa no dɔnhwer kor ansaana ber a ekãa dɛ edze bɛba no asõ.
How do you reserve a tour? Sɛ nyimpa a enye hɔn reba nserahwɛ no nndu 20 a, klek ɔfã a wɔato dzin “Mepɛ Dɛ Meyɛ Nserahwɛ Ho Nhyehyɛɛ—Hɛn Dodow Nndu 20” no do. Sɛ wɔyɛ nyimpa 20 anaa dza ɔbor dɛm a, frɛ na yɛ nserahwɛ no ho nhyehyɛɛ.
Sɛ eyɛ nhyehyɛɛ no wie a, ibotum asesa no anaadɛ etwa mu a? Nyew. Klek ɔfã a wɔato dzin “Mepɛ Dɛ Mesesa Me Nserahwɛ Ho Nhyehyɛɛ” no do.
Da a nkyɛ epɛ dɛ eba nserahwɛ no, sɛ kwan no nyinara ayɛ mã so ɛ? Ofi ber to ber no, ɔyɛ a san hwɛ. Sɛ binom sesa hɔn nserahwɛ ho nhyehyɛɛ anaa wotwa mu a, kwan tum bɛda hɔ.
Nserahwɛ Ahorow
Dza Wɔyɛ Tsitsir
Wɔhwɛ Bible nkyerɛkyerɛ edwuma a Jehovah Adasefo yɛ wɔ Britain, Ireland, nye Malta no do. Wɔhwɛ ma wɔkyerɛ Bible ho nwoma ahorow ase kɔ kasa ahorow pii mu. Bi nye Britain Mmum Kasa, Irish, Scottish Gaelic, nye Welsh. Wɔsan so yɛ video nye dza wɔbɔ tsie.
Ndzɛmba A Wankasa Botum Ahwɛ
“Hɛn Abakɔsɛm”: Iyi yɛ nserahwɛ a wankasa botum akɔ. Ɔbɛma ehu mbrɛ ɔyɛe a asɛnka edwuma no nyaa nkɔenyim wɔ Britain nye Ireland.
“Bible No Wɔ Britain”: Wɔ dɛm bea yi, ibohu Bible ahorow bi a enntaa nnhu. Afei so, ebasan so ehu mbrɛ wɔakyerɛ Bible no ase nkakrankakra wɔ mfeha a abɛsen kɔ no mu.
Britain Edwumayɛbea No Ho Nsɛm: Ebɔhwɛ video nye ndzɛmba afofor bi a ɔbɛma ehu edwuma a wɔyɛ wɔ Britain edwumayɛbea hɔ.