Bible Mu Nwoma Ahorow Hɔn Nyienyim Nsɛm

Bible No Ne Nyienyim Nsɛm

Hwɛ mbrɛ Bible mu nwoma biara nye Bible no n’asɛntsir hyia. Ɔno nye dɛ Jehovah nam n’Ahendzi a Jesus Christ dzi do tum no do bɛtsew ne dzin no ho.

Genesis Ne Nyienyim Nsɛm

Genesis ma yehu asɛnhia bi a ɔfa beebi a adasamba fi bae no ho, na ɔsan so ma yehu beebi a owu na amandzehu fi bae.

Exodus Ne Nyienyim Nsɛm

Nyankopɔn yii Israelfo no fii nkowaasom mu wɔ Egypt na ɔmaa wɔbɛyɛɛ ɔman a woehyira hɔnho do ama no.

Leviticus Ne Nyienyim Nsɛm

Hwɛ mbrɛ Leviticus nwoma no kyerɛkyerɛ Nyankopɔn no krɔnkrɔnyɛ mu, nye siantsir a no ho hia dɛ hɛnankasa so yɛyɛ krɔnkrɔn.

Nkanee Ne Nyienyim Nsɛm

Ibohu dɛ noho hia dɛ yetsie Jehovah, na yɛkyerɛ obu ma hɔn a ɔapaw hɔn dɛ wondzi ndzɛmba enyim wɔ n’ahyehyɛdze no mu no.

Deuteronomy Ne Nyienyim Nsɛm

Hwɛ mbrɛ Jehovah ne Mbra a ɔdze maa Israelmba no da ɔdɔ kɛse a ɔwɔ ma no nkorɔfo no edzi.

Joshua Ne Nyienyim Nsɛm

Hwɛ mbrɛ Israelman no kõe faa asaase a Nyankopɔn dze maa hɔn no na wɔkyekyɛe maa mbusuakuw ahorow no.

Dɛm nwoma yi kã ndwuma ahorow a mbarimba akokodurfo a nna wɔwɔ gyedzi no yɛe. Osian hɔn dwuma a wodzii dɛ atsɛmbuafo ntsi na wɔfrɛ nwoma yi Atsɛmbuafo nwoma no. Nyankopɔn dze hɔn dzii dwuma dze gyee no nkorɔfo fii hɔn a nna wɔhyɛ hɔn do no nsamu.

Ruth Ne Nyienyim Nsɛm

Ruth nwoma no ka mbrɛ akataasia kunafo bi daa nokwar dɔ edzi kyerɛɛ n’asew basia a nna ɔnoara so yɛ kunafo no ho asɛm, na ɔma yehu mbrɛ Jehovah sii hyiraa dɛm mbaa beenu yi.

1 Samuel Ne Nyienyim Nsɛm

Hwɛ mbrɛ Atsɛmbuafo no hɔn dwumadzi baa ewiei ma ahemfo hyɛɛ ase dɛ woridzi tum wɔ Israelfo no abakɔsɛm mu.

2 Samuel Ne Nyienyim Nsɛm

Hwɛ mbrɛ David sii brɛɛ noho adze na ɔdaa gyedzi edzi. Osian suban pa a David daa no edzi ntsi, sɛ yɛreka nyimpa a Bible no ka hɔnho asɛm a nkorɔfo pɛ hɔn asɛm paa a, yebotum dze David aka ho.

1 Ahemfo Ne Nyienyim Nsɛm

Ndzɛmba kɔr do yie papaapa maa Israelmba no, na wonyaa ahotɔ wɔ Ɔhen Solomon n’ahendzi ase. Ekyir yi Israel na Judah ahenman no faa ɔhaw ahorow mu, hwɛ iyi ho asɛm.

2 Ahemfo Ne Nyienyim Nsɛm

Abosonsɔr gyee ndwow wɔ Israel mbusuakuw du ahenman no mu papaapa, naaso hɔn mu kakra a wɔdze akoma a odzi mu soom Jehovah no dze, ohyiraa hɔn. Hwɛ iyi ho asɛm.

1 Mbermunsɛm Ne Nyienyim Nsɛm

Nna David yɛ ɔhen a osuro Nyankopɔn; hwɛ ebusuasantsen a ofi mu no ho asɛm nye nsɛm ahorow a ɔyɛ enyika a osisii wɔ n’asetsena mu ofi aber a wosii no hen wɔ Israel dze kesi da a owui.

2 Mbermunsɛm Ne Nyienyim Nsɛm

Hwɛ mbrɛ Judah ahemfo no hɔn asɛm no ma yehu nokwar a yebedzi ama Nyankopɔn no do mfaso.

Ezra Ne Nyienyim Nsɛm

Jehovah dzii bɔ a ɔhyɛe dɛ ɔbɛgye no nkorɔfo efi nkowaasom mu no do, na ɔmaa wɔsanee dze nokwar som sii hɔ wɔ Jerusalem.

Daniel Ne Nyienyim Nsɛm

Daniel na n’anyɛnkofo no kɔr do dzii Jehovah nokwar ɔmmfa ho tsebea biara a wohyiae no. Yebotum enya hɔn nhwɛdo na nkɔnhyɛ ne mbamu no do mfaso wɔ ewiei mber yi mu.

Hosea Ne Nyienyim Nsɛm

Ndɛ so, Hosea no nkɔnhyɛ no ma yenya esuadze etsitsir pii a ɔfa mbrɛ Jehovah hu ndzebɔnyɛfo a wonu hɔnho no mbɔbɔr nye ɔsom a Jehovah hwehwɛ dɛ yɛdze ma no.

Joel Ne Nyienyim Nsɛm

Joel hyɛɛ ‘Jehovah ne da’ a ɔreba no ho nkɔm na ɔkyerɛɛ dza obi yɛ a obenya ne tsir edzidzi mu. Ndɛ nye ber a no nkɔnhyɛ no ho aba hia paa.

Amos Ne Nyienyim Nsɛm

Jehovah dze dɛm banyin ahobrɛadzenyi yi dzii dwuma bi a no ho hia. Esuadze etsitsir bɛn dɛm na yebotum esũa efi Amos no nhwɛdo no mu?

Obadiah Ne Nyienyim Nsɛm

Wɔ Hebrew Kyerɛwnsɛm ɔno nye nwoma a ɔyɛ tsia paa wɔ mu. Nkɔnhyɛ no ma yenya enyidado na ɔbɔ anohoba dɛ, ɔbɛda edzi ma obiara ehu dɛ Jehovah Nyankopɔn no tumdzi na ɔfata.

Jonah Ne Nyienyim Nsɛm

Nkɔnhyɛnyi no gyee ntsẽa too mu, dzii dza wɔdze hyɛɛ ne nsa no ho dwuma, na onyaa esuadze fii Nyankopɔn n’ehumbɔbɔr nye no nokwar dɔ mu. N’asɛm no bɛka w’akoma papaapa.

Micah Ne Nyienyim Nsɛm

Nkɔnhyɛ a ofi Jehovah hɔ yi botum ama ahotodo a yɛwɔ wɔ no mu no ayɛ kɛse paa, a ɔnye dɛ dza ɔhwehwɛ fi hɛn hɔ biara no ntseasee wɔ mu, na hɛnara hɛn mfaso ntsi a.

Nahum Ne Nyienyim Nsɛm

Nkɔnhyɛ yi ma hɛn awerɛhyɛmu a no mu yɛ dzen dɛ, Jehovah ma n’asɛm biara ba mu, na afei hɔn a wɔhwehwɛ asomdwee na nkwagye wɔ n’Ahendzi no ase no so, ɔkyekye hɔn werɛ.

Habakkuk Ne Nyienyim Nsɛm

Yebotum enya ahotodo wɔ Jehovah mu dɛ, aber biara onyim mber pa na kwan pa a ɔbɛfa do agye no nkorɔfo.

Zephaniah Ne Nyienyim Nsɛm

Ebɛnadze ntsi na ɔsɛ dɛ yɛhwɛ yie na yennya adwen dɛ Jehovah n’atsɛmbu da no remmba da?

Haggai Ne Nyienyim Nsɛm

Nkɔnhyɛ no ma yehu siantsir a no ho hia dɛ yɛdze Nyankopɔn no som dzi kan wɔ hɛn asetsena mu sen hɛnankasa hɛn apɛdze.

Zechariah Ne Nyienyim Nsɛm

Enyido-adzehu nye nkɔnhyɛ ahorow pii na ɔhyɛɛ Nyankopɔn no nkorɔfo dzen wɔ tsetseber mu. Dɛm nkɔnhyɛ ahorow kor yi ara so kɔ do ara ma hɛn awerɛhyɛmu ndɛ dɛ Jehovah bɔboa hɛn.

Malachi Ne Nyienyim Nsɛm

Ɔyɛ nkɔnhyɛ a ɔma yehu Jehovah n’ehumbɔbɔr, no dɔ nye ne ngyinadonsɛm a ɔnnsesa da no. Ɔsan so ma yenya esuadze ahorow ankasa a yebotum dze ayɛ edwuma wɔ hɛn asetsena mu.

Matthew Ne Nyienyim Nsɛm

Fa enyigye sũa Bible mu nwoma yi a ɔyɛ Nsɛmpa anan no no mu dza odzi kan no ho nokwasɛm ahorow no.

Mark Ne Nyienyim Nsɛm

Mark nwoma no yɛ Asɛmpa ahorow anan no mu dza ɔyɛ tsia. Ɔma yehu dza Jesus bɛyɛ ama hɛn daakye aber a oridzi tum dɛ Nyankopɔn n’Ahendzi no do Hen no.

Luke Ne Nyienyim Nsɛm

Ebɛn nsɛm na ɔwɔ Luke nwoma no mu a ɔda nsew?

John Ne Nyienyim Nsɛm

John asɛmpa no ma yehu ɔdɔ a Jesus wɔ ma adasamba, ahobrɛadze ho nhwɛdo a ɔyɛe, nye ndzɛmba a ɔyɛɛ dze daa no edzi dɛ ɔno nye Messiah no, Nyankopɔn n’Ahendzi no do Hen no.

Asomafo Ndwuma Ne Nyienyim Nsɛm

Christianfo a wodzi kan no yɛɛ edwumadzen dze yɛɛ nyimpa a wofi amanaman ahorow nyina mu no esuafo. Ndwuma nwoma no botum aboa wo ma nsi na ahokekã a edze reyɛ asɛnka edwuma no ayɛ kɛse.

Romefo Ne Nyienyim Nsɛm

Nwoma bi a sunsum krɔnkrɔn maa wɔkyerɛwee dze kyerɛɛ dɛ Jehovah nnhwɛ nyimpa enyim na ɔkyerɛ siantsir a no ho hia dɛ yenya Jesus Christ no mu gyedzi.

1 Corinthfo Ne Nyienyim Nsɛm

Krataa a sunsum krɔnkrɔn kaa Paul ma ɔkyerɛwee no bi fa koryɛ, ɔbra pa, ɔdɔ, na gyedzi wɔ owusoɛr no mu no ho.

2 Corinthfo Ne Nyienyim Nsɛm

Jehovah, “awerɛkyekyer nyina Nyankopɔn” no, hwɛ n’asomfo do na ɔhyɛ hɔn dzen.

Galatiafo Ne Nyienyim Nsɛm

Ndɛ, krataa a Paul kyerɛwee kɛmaa Galatiafo no ho wɔ mfaso tse dɛ mbrɛ nna ɔtse wɔ aber a ɔkyerɛwee no ara. Obotum aboa nokwar Christianfo ma wɔaakɔ do edzi nokwar.

Ephesusfo Ne Nyienyim Nsɛm

Dɛm krataa yi a sunsum krɔnkrɔn maa wɔkyerɛwee no da Nyankopɔn ne tsirmpɔw a ɔnye dɛ ɔnam Jesus Christ do dze koryɛ na asomdwee bɛba no edzi.

Philippifo Ne Nyienyim Nsɛm

Sɛ yehyia ɔtaa na yegyina mu a, yebotum ahyɛ afofor so nkuran ma hɔn ase eetsim.

Colossaefo Ne Nyienyim Nsɛm

Sɛ yɛdze dza yesũa no bɔ hɛn bra, yɛdze afofor mfom kyɛ hɔn, na yɛgye tum a Jesus wɔ nye dwuma tsitsir a odzi no to mu a, yɛbɔsɔ Jehovah n’enyi.

1 Thessalonicafo Ne Nyienyim Nsɛm

Ɔwɔ dɛ yɛweɔn wɔ sunsum afamu, ‘yɛsɔ adze nyina nhwɛ,’ ‘yefua asɔryɛ mu,’ na yɛhyɛ hɛnho hɛnho nkuran.

2 Thessalonicafo Ne Nyienyim Nsɛm

Paul tseen hɔn adwen wɔ nsusui bɔn bi a nna binom wɔ wɔ Jehovah ne da a ɔreba no ho no, na ɔhyɛɛ enuanom no nkuran dɛ wongyina hɔ pintsinn wɔ gyedzi no mu.

1 Timothy Ne Nyienyim Nsɛm

Paul kyerɛɛw 1 Timothy dze kyerɛɛ mbrɛ ɔsɛ dɛ ndzɛmba kɔ do wɔ asafo no mu, na ɔdze ator nkyerɛkyerɛ nye sikanyiber ho kɔkɔbɔ mae.

2 Timothy Ne Nyienyim Nsɛm

Paul hyɛɛ Timothy nkuran dɛ onwie no som edwuma no koraa.

Titus Ne Nyienyim Nsɛm

Paul ne krataa a ɔdze kɛmaa Titus no kã ɔhaw a nna ɔwɔ asafo ahorow a ɔwɔ Crete no mu ho asɛm, na ɔsan so kã ahwehwɛdze a ɔsɛ dɛ mbanyin du ho ana wɔaafata dɛ asafo mu mpanyimfo.

Philemon Ne Nyienyim Nsɛm

Krataa yi no mu nnwar dze, naaso nsɛm a ɔwɔ mu no wɔ tum kɛsenara; esuadze ahorow a ɔwɔ mu no bi fa ahobrɛadze, ayamuyie, na bɔnfakyɛ ho.

Hebrewfo Ne Nyienyim Nsɛm

Dza ɔkrɔn kyɛn asɔrfi ahorow a wɔdze nsa esi na mbowa a wɔdze bɔ afɔr koraa no na Christianfo som no gyina do.

James Ne Nyienyim Nsɛm

James dze mfatoho ahorow a no mu da hɔ kyerɛkyerɛ Christianfo gyinapɛn ahorow a no ho hia no mu.

1 Peter Ne Nyienyim Nsɛm

Krataa a odzi kan a Peter kyerɛwee no hyɛ hɛn nkuran dɛ yɛnyer hɛnho wɔ Nyankopɔn no som mu na yɛntow hɛn dadwen nyina nkyen Nyankopɔn do.

2 Peter Ne Nyienyim Nsɛm

Krataa a otsĩa ebien a Peter kyerɛwee no hyɛ hɛn nkuran dɛ yɛnkɔ do ndzi nokwar aber a yɛrotweɔn sor fofor na asaase fofor no.

1 John Ne Nyienyim Nsɛm

John ne krataa no bɔ hɛn kɔkɔ wɔ hɔn a wɔyɛ antichrist no ho, na ɔsan so kyerɛ hɛn ndzɛmba a ɔwɔ dɛ yɛdɔ nye dza ɔnnsɛ dɛ yɛdɔ.

2 John Ne Nyienyim Nsɛm

John ne krataa a otsĩa ebien no kaa hɛn dɛ yɛnkɔ do nnantsew nokwar no mu na yenkwetsir adaadaafo.

3 John Ne Nyienyim Nsɛm

John ne krataa a otsĩa ebiasa no ma yenya esuadze kama bi a ɔfa ahɔhoyɛ su a ɔwɔ dɛ Christianfo da no edzi no ho.

Jude Ne Nyienyim Nsɛm

Jude maa Christianfo no hun mbrɛ nyimpa bɔn binom fa enyifir kwan do dɛ wɔbɛdaadaa Christianfo no na wɔaasɛɛ hɔn gyedzi.

Nyikyerɛ Ne Nyienyim Nsɛm

Enyido-adzehu ahorow a ɔwɔ Nyikyerɛ nwoma no mu no ma yehu mbrɛ Nyankopɔn bɛma ne tsirmupɔw ma nyimpa na asaase no aba mu, dze nam n’Ahendzi no do no.

Bi A W'enyi Bɛgye Iyi So Ho

Kyerɛ Wo Kasaa

Fa mona