Amben wa dzing Jehôva ya n’nem ôse, wéé ve fe mengu’u naa ô taa ñe ve n’nem mintèñ, biyong bizing wa ye bo bikop, ve, minsem mizing mia dang minen a lôt émi mivoo. (1 Becorinthien 6:9, 10) Nge ô boo môra nsem, simghane naa Jehôva aa ye ki sim naa a dzing wa ; a kômô wô djii ya n’nem ôse, a kômô fe wô vole.

1. Za dzam bi ne bo naa Jehôva a djii bia ?

Éyong é bôt ba dzing Jehôva ba yen naa be va bo môra nsem, dzam té da bo be n’nem mintèñ. Ve, Jehôva a fôlô bo min’nem ya é ngiagh a nga bo ayong dèñ : « Amben minsem mienan mi ne ane rojo escarlata nge ki l’écarlate, mia ye tobe nfum ane nieve nge ki neige. » (Esaïe 1:18) Nge bia dzôbane ya n’nem ôsese, Jehôva a ye dzame minsem miè misese. A dzôban da yili yè ? Da yili naa wa dzôbane ya n’nem ôse, amu wa yem naa é dzam ô va bo é ne abé, ya dzaa Jehôva naa a djii wa. Éyong té bia sèñ ngu’u naa bia tsen mbimbia ôsiman nge ki mbimbia mefulu me va ve naa bi bo nsem, éyong té bia ve mengu’u naa bi wule aval metsin metsing ma dzô de.—A lang Esaïe 55:6, 7.

2. Nge bi boo nsem, aval avé Jehôva a vole bia ngalane bemvene ?

Nge bi boo môra nsem Jehôva a dzô bia naa « bi luè bemvene be ye ékôan. » (A lang Jacques 5:14, 15.) Bobedzang beté ba dzing Jehôva ya mintoma mièñ. Be ne bia vole naa bi kôm élat dèè ya Jehôva.—Begalates 6:1.

Aval avé bemvene be ne bia vole éyong bi va bo môra nsem ? Bemvene bebèñ nge ki belal ba ye bia vole béé belane Bible, amu naa é dzam bi va bo é ne abé. Ba ye fe bia ve mbemba melepgha ya vole bia naa bi taa bera bo nsem té. Nge môt a boo môra nsem kaa dzôban, bemvene ba ye ñe tele afeng ékôan naa be kame ékôan akal mbia fulu dèñ.

 A TUGHA FAS

3. A kobe nsem ô va bo da ye wô vole naa ô tobe mvoa

Nsem sese bia bo wa name Jehôva, éde bia yiène kobe nsem bi va bo. A lang Bya 32:1-5, éyong té mia lèè minlang mia daghe nsili wa zu wi :

• Amu dzé é ne mbeng naa bi kobe Jehôva nsem bi va bo kaa naa bia chale do ?

 4. Jehôva a lere n’nem éngôngoo ébe é bôt be va bo nsem

Nge é môt a va bo môra nsem a tep naa a dzale metsin metsing Jehôva, ba ye ñe tele ékôan nfeng, ye naa biaa ye ki fe bera lôt tam naa bia bo mam ya ñe ane melu ô mvus. A lang 1 Becorinthien 5:6, 11, éyong té mia lèè minlang mia daghe nsili wa zu wi :

• Aval ane levadura nge ki levure a ne mane mieman masa nge ki pâte ngura, aval avé a lôt tam naa bia bo mam ya é môt a bo nsem kaa dzôban é ne name ékôan ?

Aval avé aval Jehôva a ñong é bôt ba bo nsem da lere bia naa a tugha bia wôkh, a dzing bia, ye naa a yen bia éngôngoo ?

 AKIGHE BES

Nge bi boo môra nsem, bii dzôban ya n’nem ôsese éyong té bi ñong fe nkighane naa biaa ye de bera bo, Jehôva a ye bia djii.

Ôbaghle

• Amu dzé é ne mbeng naa bi dzô Jehôva minsem bi va bo ?

• Za dzam bia yiène bo nfa ye naa Jehôva a djii minsem miè ?

• Nge bi boo môra nsem, amu dzé bia yiène dzaa bemvene avole ?