AYEGHLE 28
Lereghane naa mia yem mbeng Jehôva ya Yésu be nga bo mina
Za dzam mia wôran éyong angom denan é va ve mia mbemba das ? A bebela, mia wôran édedèè mevakh ya naa mia kômô lere angom denane naa mia dzing das té. Jehôva ya Yésu be nga ve bia é das da dang mbeng môt aa be ki bia tare ve. Das té é ne dzé ? Aval avé bi ne lere naa bia dzing das té ?
1. Aval avé bi ne lere naa bia yem mbeng Jehôva ya Yésu be nga bo akal dèè ?
Bible a kiagh naa : « é môt sese a lere mebun ébe ñe [Yésu] » a ne ning mbèmbèè. (Jean 3:16) A lere mebun da yili yè ? Da yili naa biaa yiène ki sughu fave a bunu Yésu. Bia yiène lere mebun mèè ngalane minkighane bia ñong ya é mam bia bo. (Jacques 2:17) Éyong bia lere mebun mèè ngalan é mam bia bo ya é mam bia dzô, bia wônô angom dèè ya Yésu ya fe Ésaa wèñ a ne a dzôp, Jehôva.—A lang Jean 14:21.
2. Za ngura aval ésesang da vole bia a lere naa bia yem mbeng Jehôva ya Yésu be nga bo bia ?
Alu a nga sughlane lôt ya beyeghe bèñ, Yésu a nga dzô be aval afe be ne lere naa ba yem mbeng akal atunegha dèñ. A nga tare ésesang Bible a luè naa « ésesang N’dziane Nti, » ba luè fe naa Ésesang ôsiman awu Yésu (1 Becorinthien 11:20) Ésesang ôsiman awu Yésu a nga tele alé, é nga ye likh naa mintôl mièñ ya beña bekristen besese be lere naa ba simane naa a nga ve éning dèñ akal boan be-bôt besese. Édi da daghe ésesang té, Yésu a nga dzô naa : « Kenghan ôsu naa mia bo de naa mi simane ma. » (Luc 22:19) Éyong mia tobe Ésesang ôsiman awu Yésu, mia lere naa mia yem mbeng akal é môra édzing Jehôva ya Yésu be bele akal dèè.
A TUGHA FAS
Yeneghe meval mefe ô ne lere naa wa yem mbeng akal é môra édzing Jehôva ya Yésu be nga lere. Yeghe fe amu dzé Ésesang ôsiman awu Yésu é ne édedèè éban.
3. A yem mbeng da tsini bia naa bi bo mam
Tam simane naa môt a va kôre wa amu ô va ye ñing mendzim été. Ye wa ye kômô vuèn é dzam môt té a va bo akal duè ? Nge ki faa naa, ye wa ye dzeng meval ô ne ñe lere naa wa yem mbeng akal é dzam a nga bo ?
Nge bia ning ému, a ne amu Jehôva. A lang 1 Jean 4:8-10, éyong té mia lèè minlang mia daghe minsili mia zu mi :
-
Amu dzé atunegha Yésu é ne ngura aval das ?
-
Za dzam wa wôran nfa é dzam Jehôva ya Yésu be nga bo akal duè ?
Aval avé bi ne lere naa bia yem mbeng akal é dzam Jehôva ya Yésu be nga bo akal dèè ? A lang 2 Becorinthien 5:15 ya 1 Jean 4:11 ; 5:3. Niène mia mane lang kada éfus, lèèghane minlang mia daghe nsili wa zu wi :
-
Ane bifus bité bia lere do, za dzam bia yiène bo naa bi lere naa bia yem mbeng be nga bo bia ?
4. Vughane Yésu
Aval afe bi ne lere naa bia yem mbeng, a ne éyong bia vu Yésu. A lang 1 Pierre 2:21, éyong té mia lèè minlang mia daghe nsili wa zu wi :
-
Aval avé bi ne lere naa bia tugha béé é zen Yésu ?
Yésu a nga dzing nkobe Nzame, a nga kanghle mbemba fuèñ ya vole fe é bôt bevoo
5. Tobeghe Ésesang ôsiman awu Yésu
Naa ô yem aval be nga tare bo ésesang N’dziane Nti ôsua, a lang Luc 22:14, 19, 20. Éyong té mia lèè minlang mia daghe minsili mia zu mi :
-
Aval avé ésesang N’dziane Nti é nga boban ?
-
Nfem ya vino, bi ne bifônane za mam ?—A daghe bifus 19 ya 20.
Yésu a nga dzô beyeghe bèñ naa be bo ésesang N’dziane Nti éyong daa ébe mbu é môs a nga wu. Akal té, éde Bengaa Jehôva ba kôane nsama kada mbu naa be simane awu Yésu aval a nga sili be do. Naa bi yeghe abuiñ mam ma daghe éban ésesang té é bele, daghane ÉNGENGENG. Éyong té mia lèè minlang mia daghe nsili wa zu wi :
-
Ésesang ôsiman awu Yésu da boban aval avé ?
Nfem ya vino be ne bifônan. Nfem ô ne éfônane ye é ñuu é mbe kaa nsem Yésu a nga ve atunegha akal dèè. Vino a ne éfônane ye mekî mèñ
NGE MÔR ÉZING A DZÔ WÔ NAA : « É dzam étam wa yiène bo naa ô tobe nkôran é ne a bunu Yésu. »
-
Aval avé ô ne belane nten Jean 3:16 ya Jacques 2:17 naa ô lere ñe naa daa sughu ki vèè ?
AKIGHE BES
Bia lere naa bia yem mbeng Yésu a nga bo éyong bia lere mebun ya tobe Ésesang ôsiman awu Yésu.
Ôbaghle
-
A lere mebun ébe Yésu da yili yè ?
-
Aval avé ô ne lere naa wa yem mbeng akal é dzam Jehôva ya Yésu be nga bo akal duè ?
-
Amu dzé é ne éban naa ô tobe Ésesang ôsiman awu Yésu ?
Ô NE FE KE DAGHE
Za dzam awu Yésu da tsini bia naa bi bo ?
Il a utilisé son corps pour honorer Jéhovah nge ki Jesús honró a Jehová con su cuerpo (9:28)
Yeghe abuiñ mam nfa dzé é ne mebun ya aval bi ne lere mebun.
« Exerce ta foi dans les promesses de Jéhovah » nge ki « Ejerzamos fe en las promesas de Jehová » (La Tour de Garde, Octobre 2016 ; La Atalaya, octubre de 2016)
Nlang « Je me sens pure et j’aime la vie » nge ki « Me siento limpia, viva y en paz » été, yeneghe aval a fas adzô atunegha Christ é nga tsen éning minenga ézing.
« La Bible transforme des vies » nge ki « La Biblia les cambió la vida » (La Tour de Garde, 1er Août 2011 ; La Atalaya, 1 de agosto de 2011)
Yeneghe amu dzé fave moan ngap bôt éñe a dzi nfem ya ñu vino.
« Pourquoi les Témoins de Jéhovah célèbrent-ils le Repas de Seigneur différemment des autres religions ? » nge ki « ¿Por qué los testigos de Jehová celebran la Cena del Señor de forma diferente a otras religiones? » (Nlô-adzô té ô ne a nden)
