Bia yem belan é ngu’u dzèè éyong bia takh mam nfa ye naa bi bira sèñ akal Jehôva. (1 Becor. 9:26) Minkighane bia ñong mia vole bia naa bi yem buane é tam é lighe-yang avitsang naa émo di é mane tobe ntsaman. (Beéph. 5:15, 16) Éyong mia ye bo ayeghe Bible ye nda bôt denan, amu dzé mia kômane ki naa mi bo ésèñ mpwaghe mefan mbu wi ? Naa bi vole mina nfa té, é kalare akal ésulan ñi a bele abuiñ minlô medzô me y’é mam mi ne tiè meyaghlan menan été.—Jacq. 1:5.

Éfônan, ya avol kada môt ye é nda bôt denan, ke mi ne sèñ nsama naa môt mboo y’ébe mina a bo mpwaghe mefan ? Nge mia tem naa mii se ki dzale abim awala ba sili, kobghane ya bempwaghe mefan be nga tebe fe aval étéñ denan melu mvus (Mink. 15:22) Tam ézing mi ne sili mpwaghe mefan mine va luè ayeghe ya nda bôt denan minsili. Nge mine mbe mpwaghe mefan melu mvus, ke mi ne yen nge nféféñ étéñ denan da likh naa mi bera bo mpwaghe mefan abong di.

Ye bôt b’ézing be y’é nda bôt denan be ne bo bempwaghe mefan étun éyong tang ngoan daa nge ki abuiñ mengoan ? Nge wéé bele ki abuiñ ngu’u, ngeng ézing ô ne bo mpwaghe mefan étun éyong wéé kômane naa ô bo avitsang mewala kada môs minkanghle. Nge wéé bele ki abuiñ tam ézizang sono naa ô ke minkanghle amu wa sèñ, wa ke a sikôlô, ô ne top é ngoan ô ne mewaghan nge ki memangha mesono metan. Tsilighane é tam mia kômô bo mpwaghe mefan a calendrier nge ki calandario ayô.—Mink. 21:5.

DAGHANE ÉNGENGENG BOGHE NKARE FUÈÑ A NE [. . .] AYOKH, ÉYONG TÉ MIA YALANE NSILI WA ZU WI :

• Za dzam éfônane kal dzèè Aamand da yeghle bia nfa avole ya édzing Jehôva a ve é bôt ba likh mam m’ézing naa be bo mpwaghe mefan ?