Bia bese bia bòt ki akia deda. Éyòng bia tong tin memvéndé ya Bibel bi ne dzam tòbò fili ya bòt biyié akia ya o ne mbeng bi vaa fe Yéhova duma. Bi tam hm yen metin memvéndé mezing ya étéré.

1. Tin memvéndé fé ya yeane bi tòngʼlò éyòng bia tòb é biyié bia yi bòt, akia ya bia kom nlo waan ai akia bia kengʼben?

Bia yeane tòb mbòt “wa yéné mbeng ai dzin” asu yi na bi lere na bia semé “élat dzaan ai Zamba” (1 Timotéus 2:9, 10). Bi tam yen é tin memvéndé Bibel a ngoné é bifus bi: (1) Mbòt waan wa yeane “yéné mbeng.” Éyòng wò yen Beboala be Yéhova a bikoen biaba be bege biyié mekia mekia, ve mimbòt miaba ai nkomen nlo waba bia ve Yéhova é Zamba ba kang duma. (2) “Dzin” da kamen ai bia na bi bòt akia da duru ébiandi ai minyéné. (3) “Feg” ya kamen ai bia na te bia vengʼen belò mimkpamen mimbòt. (4) Mbòt waan wa yeane lere abog ase na bia semé élat dzaan ai Zamba, nala a tilen na bia lere na bia “kang mfang Zamba” (1 Kòrinti 10:31).

2. Babedzang ai bekal baan ba yen mbòt waan ya?

Tò ane bi ne fili ya tòb mbòt waan, bia yeane fas akia ya mbòt waan wa yéné a mis me é bot bevòk. Bia ve mengul asu yi na te bia bò ékòl obak asu mot zing, bi bò fe é dzam ase da sili asu yi na “bi yéné mbeng abe é mot mbòk asu mbeng woé ai awonogo dié” (Langʼa Romani 15:1, 2).

3. Akia afé mbòt waan o ne dzam bò na bot be bi ngong ya kang Yéhova?

Bia dzeng abog ase na bi bòt mbeng, ve bia dang bò okala éyòng bia tòbò a bikoen ai éyòng bia bò ékat foé. Mbòt waan wa yeane ki bò é hi minyéné, wa yeane ki buri é foé ya bia kat bot. Bia yi na mbòt waan o bò na bot be bi ngong ya vogolo mbembe foé ya Édzoé ai na o ‘ngoné nyegelen Zambaʼ (Titus 2:10).

 TUENE FAG

4. Mbòt o ne dzin wa ve Yéhova duma

Dzé fò ya dang bi tindi na bi bòt mbeng? Langʼa Salmen 47:2 ai yalen minsili mi tsaa mi:

• Mbol bia bò ésié Yéhova, dzé nala a yeane bi tindi na bi bò asu mbòt waan?

• Mfaa woé, ye a ne ai nfi na bi tòbò mfuben éyòng bi ne a bikoen ngeki ésié ékat foé? Asu dzé?

 5. É tin mvéndé ya vòli bia na bi tòb mbòt o ne mbeng

Bebege VIDÉO.

É seki mbòt o ne dia abui ngò wa dang nfi, mbeng o ne ve na o tòbò mfuben, o tobegen fe ai ésié ékat foé bia bò. Langʼa 1 Kòrinti 10:24 ai 1 Timotéus 2:9, 10, ai kara é bamu ba tindi bia na bi saala é biyié  . . .

• bi seki dzin (bi ne mvit, abé ya yéné)

• bi ne bitun, bi yeme a nyòl ngeki é bi bia lere nsò

Tò ane memvéndé me Moses ma bebe ki bekristen, ve ma lere akia ya Yéhova a yen mam. Langʼa Deutérònòm 22:5 ai yalen a nsili hi:

• Asu dzé bia yeane saala mimbòt mia bò na fam é nga fulen ai mininga ngeki na bininga be nga fulen ai befam?

Langʼa 1 Kòrinti 10:32, 33 ai 1 Yohannes 2:15, 16, ai yalen minsili mi tsaa mi:

• Asu dzé bia yeane bò okala na mbòt waan o tòbò ékòl obak asu é bot ya nseng ngeki babedzang ai bekal baan ya akonda?

• Akia afé bot ba bòt é vom o toa?

• Mfaa woé, ye mimbòt mizing ya été mi ne abé asu bekristen? Asu dzé?

 OBALBAS

Éyòng bia dzeng na mbòt waan o bò na bi yéné dzin, bia ve Yéhova duma bi lerege fe na bia lugu é bot bevòk.

Dzé bia baala

• Asu dzé mbòt waan ai akia ya bia yéné o ne ai nfi a mis me Yéhova?

• Tin memvéndé fé ya yeane bi tòngʼlò éyòng bia nòng mintsigen mia bebe mbòt waan?

• Akia afé é bot bevòk be ne dzam yen mfang ékang éyòng ba yen akia ya bi ne mbòren?