Yésus a nga yegele na beyègè boé ba yeane duben (Lang’a Matéus 28:19, 20). Ve dzé ben é ne nduen? Ai dzé o ne dzam bò mbol yi na o dzala nsong’en té?

1. Dzé é ne nduen?

Ébug ‘nduen’ ya sò ébug ya nkòbò Greki ya tilen na a “lap mot” a mendim étéré. Éyòng Yésus a nga duben, be nga lap nyè a mendim étéré osoé Yordan;  Ndò a nga bare kui “osoé a yob” (Markus 1:9, 10). Dzam deda, éyòng mimfang bekristen mia duben ba lap bò a mendim étéré, nala wa tilen na ba bò na be yimbi a mendim a si.

2. Dzé nduen wa lere?

É mot a duben a lere na a ve émen nguma abe Yéhova Zamba. Akia afé mot a ve émen nguma abe Yéhova? Osusua yi na a duben, mot émen a kat Yéhova a ngogelen na a yi na a sié nyè a ntié énying woé. A ve nyè ngaaga na a yi kang ve nyè étam ai na, a bò nyien woé wa yi tebe osu énying dzié aloro é mam mese mevòk. A nòng ntsigen na “a wogé ki fe ai émen, ndò fe a yi tong” minyegelen mi Yésus ai mvulna dzié abog ase (Matéus 16:24). Éyòng mot a ve émen nguma, a duben fe, nala a bò na a lat ngul amvoé ai Yéhova ai bebò bisié boé bese bevòk.

3. Dzé wò yeane bò osusua yi na wò duben?

Osusua yi na wò duben, wò yeane yègè na o tuene yem Yéhova o bi fe ngul mbunen abe nyè (Lang’a Hébréa 11:6). Ane nyemen woé ai mbunen woé bia yi nang, éye fe éding dzoé asu Yéhova ya yi nang nala. Amvus hala, wò yeane fe nying ane memvéndé me Yéhova ma dzo (2 Timotéus 4:2; 1 Yohannes 5:3). Da kare kui na, éyòng mot “a nying ane mbol da yeane ai Yéhova” a kèène nòng ntsigen na a ve émen nguma abe Zamba a duben fe (Kolosi 1:9, 10). a

 TUENE FAG

4. Ayegele bia nòng a nduen Yésus

Lang’a Matéus 3:13-17 asu yi na o yen akia ya Yésus a nga duben. Amvus ya été yalen minsili mi tsaa mi:

• Ye Yésus a nga duben a toa ébobòg mòn?

• Akia afé a nga duben? Ye be nga soé nge a tòndi nyè mendim a nlo?

Amvus nduen woé, nde Yésus a nga tari ésié Zamba a nga lom nyè na a zu bò a si mu. Lang’a Lukas 3:21-23 ai Yohannes 6:38, ai yalen a nsili hi:

• Amvus nduen woé, ésié éfé Yésus a nga telé osu énying dzié?

5. Wò fe o ne dzam duben

A ne dzam kui na o mbara éyòng wò tsog na wò yi ve wòmen nguma abe Yéhova o duben fe. Veda, oteteg oteteg ane wò yi ke wò nang mfaa ya nsisim, éye fe wò yi bi ngong ya ke duben nala. Asu yi na o yen akia afé bot bezing be nga kui na ba nòng ntsigen na ba duben, bebege VIDÉO.

Lang’a Yohannes 17:3 ai Yakòbus 1:5, ai yalen a nsili hi:

• Akia afé o ne dzam komesen asu nduen?

1. Éyòng wò ve wòmen nguma abe Yéhova, wò kat nyè na wò yi na wò sié nyè a ntié kòm

2. Nduen wa lere a ngeng na bi veya biabeben nguma abe Zamba

 6. Nduen wa bò na bi nyii a nda bot Yéhova

Éyòng wò duben, wò nyii anyang nda bot bekristen ya si ése. Afiang’en bò na bi ne meyòng meyòng, bia bese bia wogé ai ékang dzia ai bia tong fe ve memvéndé me Zamba. Lang’a Salmen 25:14 ai 1 Pétrus 2:17, ai yalen a nsili hi:

• Akia élat afé é mot a nòng nduen a bi ai Zamba ai fe bebò bisié be Yéhova bevòk?

 OBALBAS

Yésus a nga dzo na beyègè boé bese ba yeane duben. Asu yi na o dzala nsong’en té, wò yeane bi ngul mbunen abe Yéhova, wò yeane tong memvéndé moé o ve fe wòmen nguma abe nyè.

Dzé bia baala

• Dzé é ne nduen? Ai amu dzé a ne ai nfi na o duben?

• Élat éfé é ne a zang nduen woé ai mveen wòmen nguma abe Yéhova?

• Dzé wò yeane bò osusua yi na wò duben?