AYÈGÈ 02
Bibel a ve bia ndi asu melu ma zu
A si ése abui bot ba toben ai é mam ma bò na be tebe étié melunga, be sang’en abui ngeki na be bi mintié. Ye o tebeya akia étié té? Éyòng zing na é ne mbol wò kòn ngeki na ndinding woé mbòk a nga wu. O ne dzam sili wòmen na, ‘Ye ntsénden wa yi fò bò mmos zing?’ Bibel a ve éyalen ya wono bia a nsili té.
1. Ndi fé Bibel a ve bia asu melu ma zu?
Bibel a timi bia amu dzé si é ne ndzalen ai abui mindzug, ve a kat fe bia mbembe dzam na Zamba a zu mana ai mindzug mité mise. Mengaaga ya Bibel “ma ve bia ndi asu melu ma zu” (Lang’a Yérémia 29:11, 12). Ndi té ya vòli bia na bi dzibi mindzug ya melu ma, é vaa fe bia afiri na bia yi tòbò mintak kòm ya kòm.
2. Bibel a ve bia ngaaga na énying ya yi tòbò ya melu ma zu?
Bibel a dzo na melu ma zu “awu da yi ki fe bare bò ndò fe tegè meyeb nge ntat nge mintié” (Lang’a Akuli Mam 21:4). É mam mese ma bò na te bia bi mintak melu ma—ane mebua, nkòt, okòn ai awu—bia yi ki fe bare bò. Bibel a ve ngaaga na bot ba yi tòbò mintak ya nying kòm ése a Paradis a si va.
3. Akia afé bi ne bi ndi na mengaaga me Yéhova ma yi toben?
Abui bot a bele ndi na melu ma zu ma yi tòbò mbeng, ve be bele ki é dzom ya lere bò na mam meté ma yi toben. Nselna a ne ai mengaaga ya Bibel amu ma yi fò toben. Bia yeane hm yemede afiri daan a mam Bibel a dzo “a tuene bindi mimfufub mintilen” (Mimbòen mi apostel 17:11). Ayègè Bibel doé da yi wò vòli na o yem nge wò yi yebe mengaaga ma sò a Bibel asu melu ma zu.
TUENE FAG
Yene akia ya énying ya yi tòbò éyòng mengaaga ya Bibel ma yi toben. Yen fe akia afé é ndi Bibel a ve ya vòli abui bot melu ma.
4. Bibel a ve bia ndi ya nying kòm ya kòm tegè ai mindzug
Bebege a nkaala, wò yi yen mengaaga mevòk ma sò a Bibel. Mefé ma dang wò namba? Asu dzé?
Lang’a bifus bi ne a mgbaa ngaaga ése ai yalen minsili mi tsaa mi:
-
Ye wò tsog na bifus bité bi ne nfi asu doé? Ye bi ne fe bò nfi asu nda bot dzoé ai bemvoé boé?
Tam tsog na wò nying é hom:
|
MOT ZING . . . |
MOT OSE . . . |
|---|---|
|
|
|
|
|
|
|
|
|
|
5. Mengaaga ya Bibel me ne dzam tséndé énying dzoé
Éyòng bot ba yen mindzug mise mi ne a si, abui da ku sòm ngeki na be nga bò éngana. Bevòk ki ba lumen asu yi na be tséndé mam. Yene ane bot bezing be nga bi awono a ngaaga yi na mam ma yi man komben. Bebege VIDÉO ai yalen minsili mi tsaa mi:
-
Ane vidéo a he lere, nkòt mbé Rafika a nga toben ai wò?
-
Tò ane bikòkòt bimam bité bi ndziki man, akia afé Bibel a nga vòli nyè?
É ndi Bibel a ve asu melu ma zu é ne bia dzam vòli na bi dang mindzug miaan ai na bi bò te ku sòm. Lang’a Minkana 17:22 ai Romani 12:12 ai yalen minsili mi tsaa mi:
-
Nge wò yebe mengaaga ya Bibel asu melu ma zu, ye wò tsog na ndi té é ne dzam tséndé énying dzoé? Asu dzé?
ABUI BOT DA DZO NA: “É mam Bibel a kaa ma nyeb abui asu yi na me bò bebela.”
-
Mfaa woé amu dzé a ne nfi na wòmen o dzeng na o yem nge Bibel a kat bebela?
OBALBAS
Bibel a kaa bia na, melu ma zu, bia yi tòbò mintak. Ndi té ya vòli bia na bi ke osu na bia dzibi mindzug miaan.
Dzé bia baala
-
Asu dzé bia yang’en na bi yem é mam Yéhova a kaa bia?
-
Dzé Bibel a dzo é bebege melu ma zu?
-
Akia afé ndi asu melu ma zu é ne wò vòli éteteg dzi?
O NE FE BEBE
Yene akia afé ndi é ne wò vòli éyòng o bele mindzug.
Yene akia afé ndi asu melu ma zu é ne vòli é ba ba baren ai ngul okòn.
“Vivre avec une maladie chronique—La Bible est-elle utile?” (Nlang’en a jw.org)
Mezik ma lot ai bivegele ma, ma yi wò vòli, wò ai nda bot dzoé na mi tsog énying ya Paradis melu ma zu ane Bibel a dzo.
Lang’a ane énying activiste zing é nga tséndé éyòng a nga yem é ngaaga Bibel a ve asu melu ma zu.
“Je ne pense plus devoir changer le monde” (La Tour de Garde, 1er juillet 2013)
