Denok behar dugu dirua gure familiaren bizitzeko beharrak asetzeko (Esaera Zaharrak 30:8). Izan ere, «denetan laguntzeko [da] dirua» (Kohelet 10:19). Bikote bezala, zaila izan daiteke diruaz hitz egitea, baina ez utzi diruak zuen ezkon-bizitzan arazoak sortu ditzan (Efesoarrei 4:32). Bikoteak batak bestearengan konfiantza izan behar du eta elkarrekin erabaki behar dute dirua nola erabiliko duten.

BIBLIAK ESATEN DUENA: «Izan ere, zuetako nork, dorrea egin nahi badu, ez ditu aldez aurretik eseri eta gastuen kontuak ateratzen, bukatzeko adina ba ote duen ikusteko?» (Lukas 14:28). Beraz, behar-beharrezkoa da elkarrekin duzuen diruaren erabileraren plangintza egitea (Amos 3:3). Erabaki ezazue zer erosi behar duzuen eta zenbat ordaindu dezakezuen (Esaera Zaharrak 31:16). Zerbait erosteko dirua edukitzeak ez du esan nahi erosi behar duzuenik. Saiatu zaitezte zorrak saihesten eta daukazuen dirua bakarrik erabiltzen (Esaera Zaharrak 21:5; 22:7).

SAIATU HONAKOA EGITEN:

• Hilabete bukaeran dirurik baduzue, elkarrekin erabaki zer egingo duzuen diru honekin

• Zorrak badituzue, berriz, zeuen gastuak murrizteko plangintza zehatza egin ezazue. Adibidez, etxetik kanpo jan beharrean, otorduak etxean egin ditzakezue

BIBLIAK ESATEN DUENA: «Ongi jokatzen ahalegintzen naiz, Jainkoaren aurrean ez ezik, baita gizakien aurrean ere» (2 Korintoarrei 8:21). Zintzo jokatu zure bikotearekin eta esan iezaiozu zenbat irabazi eta zenbat gastatzen duzun.

Zuen diruari buruzko erabaki garrantzitsuak hartu behar dituzuen bakoitzean, hitz egin zuen artean (Esaera Zaharrak 13:10). Duzuen diruari buruz hitz egiteak, zuen ezkon-bizitzan bakea mantentzen lagunduko dizue. Ez ikusi zeure diru sarrerak zeureak bezala bakarrik, familia osoarenak bezala baizik (1 Timoteori 5:8).

SAIATU HONAKOA EGITEN:

• Ados jarri zenbateko dirua erabili dezakezuen bakoitzak besteari galdetu gabe

• Hasieratik hitz egin elkarren artean diruari buruz; ez itxaron arazoren bat sortu arte