Aurkitu al dezaket Biblian hitz kontsolagarririk?
Bibliaren erantzuna
Bai (Erromatarrei 15:4). Pertsona askok hainbat egoera zailei egin behar diete aurre. Beste batzuk emozionalki gaizki pasatzen ari dira. Ikus ditzagun kontsolatu dituzten biblia-pasarte batzuk.
Artikulu honetan honakoa ikusiko duzu:
Zoritxarreko gertaerak
23. Salmoa 4: «Ibar beltz-ilunetan banabil ere, ez dut inolako gaitzen beldurrik, zu nirekin baitzaude».
Esanahia: Jainkoari otoitz egiten badiozu eta bere Hitzera, Bibliara, gida bila jotzen baduzu, ausardia izango duzu arazoei aurre egiteko.
Filipoarrei 4:13, Biblia, José Antonio Uriarte [Ur], euskara batura egokituta: «Sendotzen nauen harengan guztia dezaket».
Esanahia: Jainkoak edozein arazori aurre egiteko indarrak emango dizkizu.
Maite dugun norbaiten heriotza
Kohelet 9:10: «Egin dezakezun guztia egizu gogoz, ez baita lanik, ez gogoetarik, ez zientziarik [edo ezaguerarik], ezta jakinduriarik ere zu zoazen Hildakoen Egoitza horretan».
Esanahia: Hil direnak ez dira sufritzen ari eta ezin digute kalterik eragin; ez dira ezertaz konturatzen.
Eginak 24:15: Hildakoak «piztuko» dira.
Esanahia: Jainkoak heriotzean galdu ditugun senide eta lagun maiteak berpizteko ahalmena du.
Gehiegizko errua sentitzea
86. Salmoa 5: «Ona zara zu, Jauna [“Jehoba” a, NWT], eta barkabera, dei egiten dizutenentzat onginahiz betea».
Esanahia: Iraganean egindako akatsengatik benetan damutu eta hauek berriro ez errepikatzeko erabakia hartzen dutenei barkatzen die Jainkoak.
103. Salmoa 12: «Nola ekialdea mendebaldetik urruti, hala ditu hark gure hobenak [“bekatuak”, NWT] beregandik urruntzen».
Esanahia: Jainkoak barkatzen duenean, gure bekatuak guztiz urruntzen ditu. Berak ez dizkigu gure akatsak behin eta berriro gogorarazten guri leporatzeko edo gu zigortzeko.
Triste sentitzea
31. Salmoa 8 [31:7, NWT]: «Ikusi baituzu nire atsekabea, arduratu baitzara nire larrialdiaz».
Esanahia: Jainkoa sufritzen ari zaren guztiaz konturatzen da. Besteek ulertzen ez dutenean ere, berak zure sentimendu sakonenak ulertzen ditu.
34. Salmoa 19 [34:18, NWT]: «Hurbil dago Jauna bihotz-hautsiengandik eta salbatzen ditu etsita daudenak».
Esanahia: Triste sentitzen zarenean, Jainkoak lagunduko dizula promesten du. Berak sentitzen duzun minari aurre egiteko indarrak ematen dizkizu.
Gaixotasun bati aurre egitea
41. Salmoa 4 [41:3, NWT]: «Ohean minez dagoela, Jaunak lagunduko dio, eta gaixoaldian oneratuko».
Esanahia: Gaixotasun larri bati aurre egiten ari bazara, Jainkoak barneko bakea, indarrak eta iraupena izaten lagunduko dizu, baita erabaki zuhurrak hartzeko jakinduria ere.
Isaias 33:24: «Inork ez du esango: “Gaixo nago”».
Esanahia: Jainkoak gizaki guztiok osasuntsu izango garen garaia iritsiko dela promesten du.
Estresa eta antsietatea
94. Salmoa 19: «Bihotza kezkaz betea izan arren, zeure kontsolamenduaz gozatzen nauzu».
Esanahia: Estresa sentitzen dugunean Jainkoarengana jotzen badugu, berak lasai egoten lagunduko digu.
1 Pedro 5:7: «Utzi Jainkoari zeuen kezka guztiak, bera baita zuetaz arduratzen».
Esanahia: Jainkoa zure sufrimenduaz arduratzen da. Zure kezkak otoitzean berari esatera animatzen zaitu.
Gerrak
46. Salmoa 10 [46:9, NWT]: «Mundu osoan guduak geldiarazi» egingo ditu Jainkoak.
Esanahia: Jainkoaren Erreinuak gerra guztiak ezabatuko ditu laster.
36. Salmoa 11, 29, Ur, euskara batura egokituta [37:11, 29, NWT]: «Otzanak [edo apalak] bada izango dira herentziaz lurraren jabeak; eta gozatuko dira bakearen ugaritasunean. […] Justuak herentziaz hartuko dute lurra, eta bertan biziko dira beti».
Esanahia: Jende onak bakeaz gozatuko du lurrean betirako.
Etorkizunari buruz kezkatuta egotea
Jeremias 29:11: «Gogoan dut zuen alde erabakia dudan egitasmoa, zuen zorionerakoa eta ez zuen zoritxarrerakoa, itxaropenez beteriko etorkizuna emango baitizuet. Hala diot nik, Jaunak».
Esanahia: Jainkoak bera obeditzen dionari etorkizun zoragarria izan dezakeela ziurtatzen dio.
Apokalipsia 21:4: «Haien begietako malkoak xukatuko ditu, eta ez da gehiago heriotzarik izango, ez dolurik, ez negarrik, ez nekerik».
Esanahia: Jainkoak ikusi eta bizitzen ari zaren gauza txar guztiak ezabatuko dituela promesten du.
a Bibliaren arabera, Jehoba da Jainkoaren izena (83. Salmoa 18, NWT). Ikusi Nor da Jehoba artikulua.
Zure gustukoa izan daiteke
GAI GEHIAGO
Kontsolamendua doluan daudenentzat
Maite dugun norbait hiltzen denean inork ez gaituela ulertzen sentitu dezakegu. Baina Jainkoak ulertzen gaitu eta lagundu ahal digu.
BIBLIAKO IRAKASPEN GARRANTZITSUAK
Zergatik uzten du Jainkoak sufrimendua izaten?
Biblian galdera honen erantzuna aurkitu dezakegu.
BIBLIAKO IRAKASPENAK
Probatu ezazu gure biblia-ikastaroa
Jaso doako biblia-ikastaro interaktibo partikularra.