Akananam nnyịn Mme Ntiense Jehovah idọn̄ke n̄kpọ Ikọ Abasi ke Intanet nte idọn̄de idahaemi. Edi ediwak nditọete nnyịn ke ndusụk itie ke ererimbot ẹnyụn̄ ẹkokop n̄kpọ Intanet emi ke utọn̄, ke ini mbon eken ẹdude ke ebiet emi Intanet mîdịghe se owo atade etịbi. Mbon eken ẹdu ke ebiet emi edide Intanet ekeme nditọn̄ọ idahaemi oyụt tutu n̄kpọn̄ adat mboro. Ndusụk owo ẹdu ke ebiet emi Intanet edide fiọk ikpododu, fiọk ikpodụhe.

 Ekọm enyene Jehovah. Ediwak nditọete nnyịn ẹkeme ndision̄o n̄kpọ Ikọ Abasi nnyịn idahaemi ke Intanet edi idụkke Intanet! Bụk mbụk wụt inan, ẹnam enye oro didie?

 Ẹda JW Box ẹnam emi. Nso idi JW Box? Enye ke okụt oro ke ndise enyọn̄ emi. Enye ke ẹda ẹn̄wam nditọete emi Intanet esinọde mmọ mfịna. Ikededep n̄kpọ JW Box emi, ekem itieutom emi ẹsede ẹban̄a kọmputa nnyịn ke Bethel ẹnam n̄kpọ kiet ẹsịn, ẹnyụn̄ ẹdọn̄ nsio nsio n̄wed ye vidio emi ẹdude ke jw.org. JW Box kiet kpọt ekpere ndisịm tọsịn naira edịp ye duop (₦30,000).

 Esidi nditọete ẹma ẹsịm Ufọkmbono Obio Ubọn̄, mmọ ẹda Wi-Fi fon m̀mê tablet mmọ ẹ-kọnek ke JW Box emi ẹsion̄o n̄wed ye vidio nnyịn. Ekpededi owo enyene akani fon m̀mê fon emi mîsọn̄ke urua, enye ekeme ndisụk nda nsion̄o n̄kpọ ke JW Box. Edi edieke esop mînyeneke Intanet, mbufa n̄kpọ ẹsisan̄a didie ẹdidụk JW Box? Ọfis nnyịn ẹsision̄o mbufa n̄kpọ emi idọn̄de ke Intanet ẹdọn̄ ke flash drive ẹnọ ẹsọk mme esop emi ke ini ke ini. Mme esop emi ẹyeda flash drive oro ẹfak ke JW Box mmọ man mbufa n̄kpọ oro ọwọrọ odụk JW Box mmo. Utọ flash drive enye emi akpa n̄kpọ nte tọsịn naira kiet ye ubak (₦1,536.00).

 Ndi akpama ndidiọn̄ọ nte JW Box an̄wamde nditọete nnyịn? Yak Nathan Adruandra emi odụn̄de ke Democratic Republic of Congo ada mbụk edi. Enye ọdọhọ ete: “Mma mbọ ufen ke Intanet etieti nyom usụn̄ nte n̄kposiode vidio iba emi, ‘O Jehovah, Mmọbuọt Idem ye Afo’ ye Ẹti N̄wan Lot, edi n̄kemeke. Ntre, mma nsion̄o idem n̄kpọn̄ ndọhọ ke ufọn idụhe ndikadia ndọk aba ke Intanet. Omokụt n̄kpọ emi Intanet akamiade mi ufen, enye ke ndision̄o idahaemi eyen eyen ndọn̄ ke fon man ami ye n̄wan mi ida ikpep nditọ nnyịn n̄kpọ.”

 Eyenete emi esin̄wamde nditọete ke Nigeria esịn JW Box ke Ufọkmbono Obio Ubọn̄ ọdọhọ esie ete: “Nditọete ẹda JW Box emi nte enọ Abasi. Esịt esinem mmọ ndikeme ndision̄ọ vidio ye n̄wed ekededi emi mmọ ẹyomde, emi ẹsịnede ke Mme Akpan N̄kpọ Isidade Ikpep Owo Bible.”

 JW Box inọde ẹsọk nditọete nnyịn ke Africa, Oceania, ye South America ebe 1,700, imonyụn̄ iduak ndinọ ediwak en̄wen ẹsọk ediwak esop. Ndi emesikere m̀mê ida m̀mọ̀n̄ okụk inam kpukpru emi? Isisio okụk ke enọ imaesịt emi afo esinọde ete ẹda ẹnam utom Abasi ke ofụri ererimbot inam emi. Ediwak mbufo ẹsinọ eke mbufo ke donate.jw.org. Mbọk ẹsọsọn̄ọ etieti ke enọ imaesịt mbufo.