ẸKÛTIE KE NDUE-IDEM!
Ibat Mme Uyen Emi Ẹnyenede Mfịna Ibuot ke Ọdọk—Nso ke Bible Etịn̄?
Ke Monday, February 13, 2023, itieutom emi ẹsede ẹban̄a ukpan udọn̄ọ nditara ke United States ẹma ẹtịn̄ ẹban̄a ibat mme uyen emi ẹnyenede mfịna ibuot ke United State. Ẹdọhọ ke ibat nditọ ufọkn̄wed sekọndri emi ẹsifụhọde ẹnyụn̄ ẹkerede ke ufọn mmimọ idụhe ekpere ndisịm mbahade iba.
Akamba owo ikpehe emi ẹsede ẹban̄a nsọn̄idem mme uyen ye eke nditọ ufọkn̄wed ke itieutom oro, Dr. Kathleen Ethier, ọkọdọhọ ete: “Kpa ye oro ikụtde ke ibat mme uyen emi ẹnyenede mfịna ọdọdiọn̄ awak ke ufan̄ isua 10 emi ẹbede, ibat n̄kpri n̄kaiferi emi ẹdọhọde ke imenyene mfịna ibuot, emi ẹkerede ndiwot idem ẹnyụn̄ ẹnamde n̄kpọ man ẹwot idem iwakke ntem akanam.”
Ẹma ẹdọhọ n̄ko ẹte:
Akpabat n̄kpri n̄kaiferi 10, ọdiọk se ọdiọk, oyokụt se ibede owo kiet emi owo ama akadan̄ mmọ ke ini mmọ mîyomke. Dr. Ethier ama ọdọhọ ete: “N̄kpọ emi ofụri ifiom ndien. Akpabat n̄kpri nditọiban 10, ọdiọk akaha oyokụt kiet ke otu mmọ emi m̀mê awakde akan oro mme owo ẹkedan̄de mmọ ke n̄kanubọk.”
Ekpri n̄kaiferi 1 ke otu n̄kpri n̄kaiferi 3 esinen̄ede ekere ndiwot idem.
N̄kpri n̄kaiferi 3 ke otu n̄kpri n̄kaiferi 5 ẹsifụhọ ẹnyụn̄ ẹkere ke ufọn mmimọ idụhe.
N̄kpọ emi obụn̄ owo esịt tutu. Ini uyen ekpedi ini idara ye inemesịt. Nso idin̄wam mme uyen ẹkan ofụri mfịna emi ẹsịmde mmọ? Nso ke Bible Etịn̄?
Bible etịn̄ se idin̄wamde mme uyen
Bible etịn̄ ata akpanikọ aban̄a ini emi nnyịn idude uwem mi. Enye okot ini emi “ndiọkeyo emi ọsọn̄de ndiyọ.” (2 Timothy 3:1-5) Edi, Bible ọnọ item emi an̄wamde anana ibat mme uyen ke ofụri ererimbot ẹkan mfịna emi mmọ ẹsobode. Se mme ibuotikọ emi ọdọn̄ọde se Bible etịn̄de ke jw.org ke idak emi.
Se idin̄wamde mme uyen emi ẹsiwakde ndikere ndiwot idem
Se idin̄wamde mme uyen emi esịt etịmerede m̀mê ẹsifụhọde ẹkaha
Emekeme Ndifiak N̄kop Inemesịt (vidio)
Se idin̄wamde mme uyen emi ẹfiomode
Se idin̄wamde mme uyen emi ẹsiyomde ndidan̄ ke n̄kanubọk m̀mê ẹfiomode
Bible etịn̄ se idin̄wamde mme ete ye eka ẹdiọn̄ọ se mmọ ẹkpenamde
Bible etịn̄ nsio nsio n̄kpọ oro ẹdin̄wamde mme ete ye eka ẹn̄wam nditọ mmo ẹyọ se ededi emi ọwọrọde mmọ ke usen ke usen. Se ndusụk ibuotikọ oro ẹkemede ndin̄wam mi.
Ekeme Ndidi Ayama Mmọ Emi N̄ko
ENYỌN̄-UKPEME
Ediwak Owo ke Ererimbot Ẹnyene Mfịna Ibuot
Mfịna ibuot keme ndinam owo ekededi—eyenọwọn̄ m̀mê akwaowo inamke n̄kpọ m̀mê edi imọ m̀mê ubuene. Se nte item Bible ekemede ndin̄wam mbon emi ẹnyenede mfịna ibuot.
ESSENTIAL BIBLE TEACHINGS
Ntak Emi Abasi Ayakde Mme Owo Ẹbọ Ufen?
Ediwak owo ẹsibụp ntak emi usua ye ufen okponde ntem ke ererimbot emi. Bible ọnọ ata eti ntak emi ọdọn̄de owo esịt.
SE BIBLE EKPEPDE EMI ANADE OWO ỌDIỌN̄Ọ
Ndi Owo Ekeme Ndidi Ufan Abasi?
Ke ata ediwak isua idahaemi, ediwak owo eyom ndidiọn̄ọ andikobot mmọ. Bible ekeme ndin̄wam nnyịn idi ufan Abasi. Akpa n̄kpọ anade anam edi ndidiọn̄ọ enyịn̄ Abasi.
BIBLE EKEME NDIBỌRỌ MBỤME FO
Bible Ekeme Ndidọn̄ Fi Esịt
Bible ọdọn̄ ediwak mbon emi ẹnyenede ikpọ mfịna esịt, onyụn̄ an̄wam mbon emi esịt etịmerede ẹyọ se iwọrọde mmọ.
ABAN̄A NNYỊN
Dọhọ Mmọ Ẹdi Ufọk
Se nte Bible ekemede ndibọrọ mbụme fo, mîdịghe kpep n̄kpọ ban̄a Mme Ntiense Jehovah.
