UKPEPN̄KPỌ 18
Se Ẹdade Ẹdiọn̄ọ Ata Mme Christian
Ediwak biliọn owo ẹdọhọ ke mmimọ idi Christian. Edi mmọ inịmke ukem n̄kpọ, isinyụn̄ inamke n̄kpọ ukem ukem. Sia edide mbon emi ẹnịm emi, mbon emi ẹnịm oko, ndusụk ẹnam emi, ndusụk ẹnam oko, idinam didie idiọn̄ọ ata mme Christian?
1. Mmanie ẹdi Christian?
Mme mbet Jesus Christ, m̀mê mbon oro ẹtienede enye, ẹdi Christian. (Kot Utom 11:26.) Nso ke ẹda ẹdiọn̄ọ mbon emi ẹnen̄erede ẹdi Christian? Jesus ọkọdọhọ: “Edieke ikọ mi odude ye mbufo, mbufo ẹdi mbet mi ke akpanikọ.” (John 8:31) Ọwọrọ ata mme Christian ẹsitiene se Jesus ekekpepde. Jesus ekesikpep mme owo ata akpanikọ ke Bible. Se ata mme Christian ẹsinyụn̄ ẹnamde edi oro.—Kot Luke 24:27.
2. Didie ke ata mme Christian ẹsiwụt ke imenyene ima?
Jesus ọkọdọhọ mme ata mbet esie ete: “Ẹma kiet eken kpa nte ami mmade mbufo.” (John 15:12) Nso iwụt ke Jesus ama enen̄ede ama mme mbet esie? Enye ama esima ndidu ye mmọ, esisọn̄ọ mmọ idem, esinyụn̄ an̄wam mmọ. Enye ama akpa ọnọ mme mbet esie. (1 John 3:16) Ukem nte Jesus, ata mme Christian isitịn̄ke-tịn̄ n̄kpọ iban̄a ima kpọt, se mmọ ẹsinamde esiwụt ke ima odu ke otu mmọ.
3. Ewe utom ke ata mme Christian ẹsisịn idem ẹnam?
Jesus ama ọnọ mme ata mbet esie utom. Enye ama “osio mmọ ọdọn̄ ẹkekwọrọ obio ubọn̄ Abasi.” (Luke 9:2) Mme Christian ke eyo mme apostle ikesikwọrọke ikọ ke itie emi mmọ ẹkesisopde idem ẹkpono Abasi kpọt, mmọ ẹma ẹsisan̄a ke mme itie nte an̄waurua ẹkwọrọ ikọ, ẹnyụn̄ ẹkwọrọ ke ufọk ke ufọk. (Kot Utom 5:42; 17:17.) Tutu mfịn, ata mme Christian ẹsisan̄a ẹkwọrọ ikọ ke ebiet ekededi emi mmọ ẹkụtde mme owo. Mmọ ẹnen̄ede ẹma mme owo. Ntre esinenem mmọ ndida ini ye odudu mmọ nsan̄a ntịn̄ nnọ mme owo se idude ke Bible man ẹdọn̄ mme owo esịt ẹnyụn̄ ẹnam mmọ ẹnyene idotenyịn.—Mark 12:31.
SỊN IDEM KPEP
Se se ata mme Christian ẹdade ẹkpụhọde ye mbon emi mîtieneke se Jesus ekesikpepde onyụn̄ anamde.
4. Mmọ ẹsidụn̄ọde ẹdiọn̄ọ akpanikọ ke Bible
Mme Christian eyo mme apostle ẹma ẹsida se Ikọ Abasi ọdọhọde ke akpan n̄kpọ
Ediwak mbon emi ẹdọhọde ke idi Christian idọn̄ke enyịn ke se Bible ekpepde, isinyụn̄ inamke se Bible ọdọhọde. Se VIDIO emi, ekem ẹbọrọ mbụme oro etienede ẹnyụn̄ ẹneme ẹban̄a enye.
-
Nso ke ndusụk ufọkabasi emi ẹdọhọde ke idi mme Christian ẹkenam man mme owo ididiọn̄ọ se Jesus ẹkesikpepde?
Jesus ekesikpep mme owo akpanikọ emi odude ke Ikọ Abasi. Kot John 18:37, ekem ẹbọrọ mbụme emi ẹnyụn̄ ẹneme ẹban̄a enye:
-
Jesus ọkọdọhọ ke nso ke ẹdida ẹdiọn̄ọ mme Christian emi “ẹdade ẹnọ akpanikọ”?
5. Mmọ ẹsinam mme owo ẹdiọn̄ọ akpanikọ ke Bible
Mme Christian eyo mme apostle mmọ ẹma ẹsisan̄a ẹkwọrọ ikọ
Jesus ama ọnọ mme ata mbet esie utom mbemiso afiakde ọnyọn̄ heaven. Utom oro ke aka iso mfịn. Kot Matthew 28:19, 20 ye Utom 1:8, ekem ẹbọrọ mbụme emi ẹnyụn̄ ẹneme ẹban̄a enye:
-
Ẹdinam utom oro ikesịm m̀mọ̀n̄, ẹdinyụn̄ inam enye ebịghi adan̄a didie?
6. Mmọ ẹsinam se mmọ ẹkwọrọde
Nso ikanam ete kiet emi ekerede Tom enịm ke imokụt ata mme Christian? Se VIDIO emi, ekem ẹbọrọ mbụme oro ẹtienede ẹnyụn̄ ẹneme ẹban̄a mmọ.
-
Ke vidio oro, Tom ọkọdọhọ ke nso ikanam imọ itre ndika ufọkabasi?
-
Nso inam Tom enịm ke imokụt ata mme Christian?
Se mme owo ẹsinamde ke ẹsida ẹdiọn̄ọ utọ owo emi mmọ ẹdide. Kot Matthew 7:21, ekem ẹbọrọ mbụme emi ẹnyụn̄ ẹneme ẹban̄a enye:
-
Ewe idi ata akpan n̄kpọ inọ Jesus—ndidọhọ ke idi Christian m̀mê ndinam se iwụtde ke idi Christian?
7. Ima odu ke otu mmọ
Mme Christian eyo mme apostle ẹnyụn̄ ẹma idemmọ
Ndi akpanikọ ke ata mme Christian ẹsinyịme ndikpa nnọ Christian nte mmọ? Se VIDIO emi, ekem ẹbọrọ mbụme oro ẹtienede ẹnyụn̄ ẹneme ẹban̄a mmọ.
-
Nso ikanam Lloyd ke vidio oro enyịme ndikpa nnọ Brọda Johansson?
-
Ndi emekere ke enye akanam n̄kpọ nte ata Christian?
Kot John 13:34, 35, ekem ẹbọrọ mbụme emi ẹnyụn̄ ẹneme ẹban̄a mmọ:
-
Didie ke mbet Jesus, m̀mê ata mme Christian, ẹsinam n̄kpọ ye mbon emi mîtoho n̄kan̄ mmọ?
-
Ke ini ekọn̄, nso ke mmọ mîdinamke ke ntak ima?
NDUSỤK OWO ẸSIDỌHỌ ẸTE: “Emekeme ndika ufọkabasi ekededi amakam edi emenịm Jesus Christ ke akpanikọ.”
-
Itie Bible ewe ke okpokot man owo okụt se ikemede ndida ndiọn̄ọ mbon emi ẹdide ata mme Christian?
SE IKPEPDE
Ata mme Christian ẹsinam se Bible ọdọhọde, ẹnyene ata ima, ẹsinyụn̄ ẹda Bible ẹnam mme owo ẹdiọn̄ọ akpanikọ.
Se M̀mê Emeti
-
Ata mme Christian ẹsida se mmọ ẹkpepde ẹto m̀mọ̀n̄?
-
Ewe edu ke ẹsida ẹdiọn̄ọ ata mme Christian?
-
Nso idi ata akpan utom ata mme Christian?
KPEP N̄KPỌ EN̄WEN
Kpep n̄kpọ en̄wen ban̄a otu kiet emi ẹdomode nditiene uwụtn̄kpọ Jesus ye se Jesus ekesikpepde.
Se se ikanamde nun kiet etiene edisịne ke “otu mbon emi ẹnamde n̄kpọ Abasi.”
“Mmọ Ẹkeda Bible Ẹbọrọ Kpukpru Se N̄kobụpde!” (Enyọn̄-Ukpeme, April 1, 2014)
Se nte ata mme Christian ẹwụtde ke imama nditọete mmimọ oro afanikọn̄ esịmde.
Nte In̄wamde Nditọete Nnyịn ke Ini Afanikọn̄—Ekpri Esie (3:57)
Se nte ata mme Christian ke eset ye ke eyo nnyịn ẹnamde se Jesus ọkọdọhọde ke ẹdida ẹdiọn̄ọ mbet imọ.
“Nso ke Ẹda Ẹdiọn̄ọ Ata Mme Christian?” (Enyọn̄-Ukpeme, March 1, 2012)
Ekeme Ndidi Ayama Mmọ Emi N̄ko
MBỤME EMI ẸSIWAKDE NDIBỤP
Didie ke Mme Ntiense Jehovah Ẹsikpep Mme Owo Bible?
Emekeme ndikama Bible ekededi ke ini ekpepde n̄kpọ ye Mme Ntiense Jehovah. Akpama, emekeme ndikot ofụri mbon ubon fo, m̀mê ufan fo ekededi editiene ekpep.
