Mme Mbụme Bible Oro Ẹbọrọde
N̄kpọ editie didie ye mme owo ke ini iso?
Didie ke n̄kpa Jesus edinam kpukpru owo ẹma kiet eken?
Ntaifiọk ẹyeka iso ndision̄o mbufa n̄kpọ ndi. Edi ndi mmọ ẹyekeme ndinam kpukpru owo ẹma kiet eken? Idikemeke. Mfịn idiọkitọn̄ ye ibụk iyakke mme owo ẹnam se ifọnde. Edi Abasi aduak ndinam n̄kpọ ọfọn kpukpru owo.—Kot 2 Peter 3:13.
Bible ọdọhọ ke ini ke edi emi kpukpru owo ẹdimade kiet eken. Mme owo ẹyedụn̄ ke emem ye ifụre, ndien idụhe owo emi edinamde mmọ ibak.—Kot Micah 4:3, 4.
Ẹdisan̄a didie isio ibụk ke ererimbot emi?
Adam ama ọfọn ama ke ini Abasi okobotde enye. Enye ikesibụkke ibụk. Edi ke ini enye ekemekde ndisọn̄ ibuot ye Abasi, enye ikedịghe aba mfọnmma owo, ama onyụn̄ ọtọn̄ọ ndisibụk ibụk. Sia idide nditọ Adam, nnyịn idada ibụk imana. Edi Abasi ayada Jesus anam kpukpru owo ẹfiak ẹfọn ẹma.—Kot Rome 7:21, 24, 25.
Abasi ama ọdọn̄ Jesus edikpa man afak nnyịn osio ke idiọkn̄kpọ Adam. (Rome 5:19) Jesus ndikpa nnọ nnyịn anam idori enyịn ndidu uwem ke ini emi mme owo mîdinamke idiọkn̄kpọ aba.—Kot Psalm 37:9-11.
Ekeme Ndidi Ayama Mmọ Emi N̄ko
ENYỌN̄-UKPEME
Mme Un̄wọn̄ọ Emi Ẹdisude ke Ini Iso
Ediwak prọfesi Bible ẹsosu, edi ndusụk ẹban̄a se iditịbede ke ini iso.
ENYỌN̄-UKPEME
Abasi Ọmọn̄ Etetre Kpukpru Ufen
Nso ikeme ndinam ifiọk m̀mê Abasi ọmọn̄ ananam kpukpru ufen ye ufịk etre?
