Numbers 23;1-30
23 Ekem Balaam ọdọhọ Balak ete: “Nam itieuwa+ itiaba ke ebiet emi nọ mi nyụn̄ diọn̄ enan̄ itiaba ye okukịm erọn̄ itiaba ke ebiet emi nọ mi.”
2 Kpa idaha oro Balak anam kpa nte Balaam ọkọdọhọde. Ke oro ebede, Balak ye Balaam ẹwa enan̄ kiet ye okukịm erọn̄ kiet ke itieuwa kiet kiet.+
3 Ndien Balaam ọdọhọ Balak ete: “Da kpere edifọp uwa+ fo, yak n̄ka ndi. Ndusụk Jehovah eyedi edisobo ye ami.+ Ndien se ededi emi enye ediwụtde mi, oro ke ndidọhọ fi.” Ntre enye adaha ọdọk enyọn̄ obot.
4 Ke ini Abasi osobode ye Balaam,+ enye ọdọhọ Enye ete: “Mmanam itieuwa itiaba ke adiana ke adiana, mmonyụn̄ n̄wa enan̄ kiet ye okukịm erọn̄ kiet ke itieuwa kiet kiet.”+
5 Ntre Jehovah esịn Balaam+ ikọ ke inua onyụn̄ ọdọhọ ete: “Fiak tiene Balak, ndien emi edi se afo editịn̄de.”+
6 Ntre enye afiak etiene enye, ndien, sese! enye ye kpukpru mbọn̄ Moab ke ẹda ẹkpere edifọp uwa esie.
7 Ekem enye etịn̄ uto+ esie ete:“Balak edidem Moab ama odomo ndida mi ke Aram+ ndi,Ndida mi ke mme obot edem usiahautịn ndi, ete:‘Di, disụn̄i Jacob nọ mi.
Ih, di, ditọk Israel.’+
8 N̄keme didie ndisụn̄i mbon oro Abasi mîsụn̄ike?+
Nnyụn̄ n̄keme didie nditọk mbon oro Jehovah mîtọkke?+
9 Nda ke enyọn̄ ikpọ itiat n̄kụt mmọ,Nnyụn̄ ndoro ke n̄kpri obot nse mmọ.Mmọ ẹdụn̄ do nsannsan nte otu,+Inyụn̄ ibatke idemmọ isịn ke otu mme idụt.+
10 Anie ekeme ndibat Jacob emi awakde nte ntan isọn̄,+Anie onyụn̄ ekeme ndibat mbahade Israel kiet ke itie inan̄?Yak ukpọn̄ mi akpa n̄kpa ndinen owo,+Yak utịt mi onyụn̄ ebiet utịt mmọ.”+
11 Ndien Balak ọdọhọ Balaam ete: “Nso n̄kpọ ke afo anam emi ye ami? N̄kada fi ndi nte edisụn̄i mme asua mi, ndien sese afo etetịm ọdiọn̄ mmọ.”+
12 Ndien enye ọbọrọ ete: “Nte nnyeneke nditịm ntịn̄ se ededi emi Jehovah esịnde mi ke inua?”+
13 Ndien Balak ọdọhọ enye ete: “Mbọk, kam tiene mi di ke ebiet efen emi afo edidade okụt mmọ. Afo edikụt ubak mmọ,+ udukwe mmọ kpukpru. Ndien da do sụn̄i mmọ nọ mi.”+
14 Ntre enye ada enye aka in̄wan̄ Zophim, ke enyọn̄ Pisgah,+ ndien enye anam itieuwa itiaba onyụn̄ awa enan̄ kiet ye okukịm erọn̄ kiet ke itieuwa kiet kiet.+
15 Ekem enye ọdọhọ Balak ete: “Da mi kpere edifọp uwa fo, yak ami n̄ka ko n̄kosobo ye enye.”
16 Ndien Jehovah edisobo ye Balaam onyụn̄ esịn enye ikọ ke inua ete:+ “Fiak tiene Balak,+ ndien emi edi se afo editịn̄de.”
17 Ntre enye afiak etiene enye, ndien, sese! enye do ada ekpere edifọp uwa esie, mbọn̄ Moab ẹnyụn̄ ẹdu ye enye. Ndien Balak ọdọhọ enye ete: “Nso ke Jehovah ọdọhọ?”
18 Ntre enye etịn̄ uto esie ete:+“Daha ke enyọn̄, Balak, nyụn̄ kop ikọ mi.Kpan̄ utọn̄ nọ mi, O eyen Zippor.+
19 Abasi idịghe owo eke okposude nsu,+Inyụn̄ idịghe eyen owo eke akpatuade n̄kpọfiọk.+Nte enye etịn̄, ndien inamke,Nte enye ọdọhọ, ndien inamke osu?+
20 Sese! Ndi mi ndinọ edidiọn̄,Ndien Enye ọmọdiọn̄,+ ndikpụhọkede.+
21 Enye ikwe nte ayakde ẹda idiọk odudu+ ekededi ẹtiene Jacob,Inyụn̄ ikwe nte ayakde afanikọn̄ esịm Israel.Jehovah Abasi esie odu ye enye,+N̄kpo edidem onyụn̄ odu enye ke ufọt.
22 Abasi ada mmọ ọwọrọ ke Egypt.+Usọp esie ebiet eke editịm.+
23 Koro nduọhọ idụhe eke okpokomde Jacob,+Idiọn̄ inyụn̄ idụhe eke ẹkpedade ẹtiene Israel.+Ke emi, ẹkeme nditịn̄ mban̄a Jacob ye Israel ẹte,‘Se se Abasi anamde!’+
24 Sese, mme owo ẹyedaha ẹda nte ekpe,Ẹnyụn̄ ẹmenede idem nte ekpe.+Enye idisụhọkede ina ibọhọke enye omụm unam ata,Onyụn̄ ọn̄wọn̄ iyịp mme unam eke enye owotde.”+
25 Ntre Balak ọdọhọ Balaam ete: “Edieke afo mûkemeke ndisụn̄i enye, kûnyụn̄ udiọn̄ enye n̄ko.”
26 Edi Balaam ọbọrọ Balak ete: “Ndi n̄kọdọhọke fi nte, ‘Kpukpru se Jehovah edidọhọde ke ndinam’?”+
27 Ekem Balak ọdọhọ Balaam ete: “O mbọk di. Yak nda fi n̄ka ebiet en̄wen. Ndusụk ọyọfọn ata Abasi ke enyịn afo ndisụn̄i enye do nnọ mi.”+
28 Ndien Balak ada Balaam ọdọk aka enyọn̄ Peor, emi asakde iso ese Jeshimon.+
29 Ekem Balaam+ ọdọhọ Balak ete: “Nam itieuwa itiaba ke ebiet emi nọ mi nyụn̄ diọn̄ enan̄ itiaba ye okukịm erọn̄ itiaba ke ebiet emi nọ mi.”+
30 Ntre Balak anam kpa nte Balaam ọkọdọhọde, ndien enye awa enan̄ kiet ye okukịm erọn̄ kiet ke itieuwa kiet kiet.+
