Nehemiah 4;1-23
4 Edikem ke ndondo oro Sanballat+ okopde ke nnyịn ke ifiak ibọp ibibene, enye ayat esịt+ onyụn̄ ọtọhọ idiọk idiọk, onyụn̄ asak mme Jew nsahi.+
2 Ndien enye etịn̄ ke iso nditọete esie+ ye ke iso udịmekọn̄ Samaria ete: “Nso ke mme anana ibifịk Jew emi ẹnanam emi? Ndi mmọ ẹdiberi edem ke idemmọ? Ndi mmọ ẹyewa uwa?+ Ndi mmọ ẹyekụre ke usen kiet? Ndi mmọ ẹkeme ndision̄o nti itiat ke ifụm+ ke emi mmọ ẹma ẹketa ikan̄?”
3 Ndien Tobiah+ owo Ammon+ ada enye ke n̄kan̄ onyụn̄ ọdọhọ ete: “Idem se mmọ ẹbọpde, edieke ebuaikọt+ ọdọkde, iditreke ndinụk ibibene itiat emi mmọ ẹbọpde nduọk.”
4 O Abasi nnyịn, kop+ ikọ emi, koro nnyịn imakabade idi n̄kpọ emiom;+ nyụn̄ nam esuene+ mmọ afiak okodoro mmọ ke ibuot, nyụn̄ nam ẹbụme mmọ ẹnyụn̄ ẹtan̄ mmọ ẹka ntan̄mfep.
5 Ndien kûyak ndudue+ mmọ ye idiọkn̄kpọ mmọ ẹdịbe fi ke enyịn. Kûsọhi enye ufep, koro mmọ ẹnamde idiọk ẹdue mme andibọp ibibene emi.
6 Ntre nnyịn ika iso ibọp ibibene, ndien ofụri ibibene eyịre kiet tutu ọdọk ekesịm mbahade iba, mme owo ẹnyụn̄ ẹnyene esịt ndika iso nnam utom.+
7 Edikem ke ndondo oro Sanballat+ ye Tobiah+ ye mbon Arabia+ ye mbon Ammon+ ye mbon Ashdod+ ẹkopde nte ke ẹdidiọn̄ ibibene Jerusalem ke aka iso, koro ẹma ẹtọn̄ọ ndisịri mme ufan̄ ibibene, mmọ ẹyat esịt etieti.
8 Ndien kpukpru mmọ ẹdụk odu+ ndiwọrọ ndin̄wana ye Jerusalem nnyụn̄ nnọ mi mfịna.
9 Edi nnyịn ibọn̄ akam+ inọ Abasi nnyịn inyụn̄ inịm mbon ukpeme uwemeyo ye okoneyo man ẹbiọn̄ọ mmọ.
10 Ndien mbon Judah ẹdọhọ ẹte: “Odudu okụre mme obiom mbiomo,+ edi mbio+ ke awawak; nnyịn inyụn̄ ikemeke aba ndika iso mbọp ibibene emi.”
11 Akan oro, mme asua nnyịn ke ẹdọhọ ẹte: “Mmọ ididiọn̄ọke+ idinyụn̄ ikwe tutu nnyịn idi ididụk otu mmọ, ndien nnyịn iyowot mmọ inyụn̄ itre utom oro.”
12 Ndien ini ekededi oro mme Jew emi ẹdụn̄de ẹkpere mmọ ẹdụkde ẹdi, mmọ ẹdọhọ nnyịn utịm ikoduop ẹte: “Mmọ ẹyeto kpukpru ebiet emi mbufo ẹdifiakde ẹnyọn̄ọ ẹbịne nnyịn, ẹdin̄wana ye mbufo.”
13 Ntre ami mbon mme owo ke usụhọde ebiet ke edem ibibene, ke an̄wan̄wa ebiet, nnyụn̄ mbon mme owo ke ubon ke ubon ye akan̄kan̄+ mmọ, eduat+ mmọ ye utịgha mmọ.
14 Ke ini n̄kụtde nte ndịk anamde mmọ, ami nsọsọp ndaha ke enyọn̄ ndọhọ mbọn̄+ ye mme udiana andikara+ ye mbon eken nte: “Ẹkûyak ndịk+ mmọ anam mbufo. Mbufo ẹti Jehovah, kpa Enye emi okponde+ onyụn̄ enyenede uten̄e;+ ndien ẹn̄wana ẹnọ nditọete mbufo,+ nditọiren mbufo ye nditọiban mbufo, iban mbufo ye ufọk mbufo.”
15 Edikem ke ndondo oro mme asua nnyịn ẹkopde ke nnyịn imọdiọn̄ọ n̄kpọ emi ye nte ke ata Abasi ama abiat uduak+ mmọ, ke kpukpru nnyịn ima inyụn̄ ifiak ika ibibene, owo kiet kiet afiak akanam utom esie,
16 ih, ọtọn̄ọde ke usen oro ka iso, ubak n̄kparawa+ mi ẹsịn idem ẹnam utom, ubak mmọ ẹkama eduat, otuekọn̄, utịgha ye kod ukwak;+ ndien mbọn̄+ ẹda ke edem ofụri ufọk Judah.
17 Amaedi mme andibọp ibibene ye mme obiom mbiomo, mmọ kiet kiet ẹma ẹsịn idem ẹda ubọk kiet ẹnam utom ke adan̄aemi ẹkamade n̄kpọekọn̄+ ke ubọk+ enye eken.
18 Ndien mme andibọp ibibene, owo mmọ kiet kiet, ọbọbọ akan̄kan̄ esie ke isịn,+ ke adan̄aemi ẹbọpde;+ andifri nnụk+ onyụn̄ ada mi ke n̄kan̄.
19 Ndien ami ndọhọ mbọn̄ ye mme udiana andikara+ ye mme owo eken nte: “Utom emi okpon onyụn̄ atara, nnyịn imonyụn̄ isuana ida ke ibibene oyom usụn̄ ọkpọn̄ kiet eken.
20 Mbufo ẹnyene ndisop idem ye nnyịn ke ebiet emi mbufo ẹdikopde nte ẹfride nnụk. Abasi nnyịn ayan̄wana ọnọ nnyịn.”+
21 Ke adan̄aemi nnyịn isịnde idem inam utom, ubak mbon eken ẹkama eduat, ọtọn̄ọde ke usiere tutu esịm ini emi mme ntantaọfiọn̄ ẹwọrọde ẹdi.
22 Akan oro, ami ndọhọ mmọ adan̄aoro nte: “Yak irenowo ẹdu ọtọkiet, owo kiet kiet ye asan̄autom esie, ke esịt Jerusalem,+ ndien mmọ ẹnyene ndidi mbon ukpeme nnọ nnyịn ke okoneyo ẹnyụn̄ ẹdi mme anamutom ke uwemeyo.”
23 Ndien ami+ ye nditọete+ mi ye mme asan̄autom mi+ ye mbon ukpeme+ oro ẹkedade mi ke edem ikosion̄oke ọfọn̄ nnyịn ke idem, owo kiet kiet onyụn̄ akama n̄kpọekọn̄+ esie ke ubọk nnasia.
