Nehemiah 13;1-31
13 Ke usen oro ẹkot+ n̄wed+ Moses ẹnọ mbio obio; ndien ẹkụt ẹwetde ke esịt ẹte owo Ammon+ ye owo Moab+ ẹkûdụk ke esịt esop ata Abasi ke nsinsi,+
2 koro mmọ mîkadaha uyo+ ye mmọn̄+ idisobo ye nditọ Israel, edi ẹkpede Balaam+ ẹte edisụn̄i mmọ.+ Edi, Abasi nnyịn anam isụn̄i oro akabade edi edidiọn̄.+
3 Edikem ke ndondo oro mmọ ẹkopde ibet+ emi, mmọ ẹdian̄ade+ kpukpru mbuaha udịm emi ẹfep ke Israel.
4 Ndien mbemiso emi, Eliashib+ oku emi esede aban̄a ufọk udia+ ke ufọk Abasi nnyịn ekedi iman Tobiah;+
5 ndien enye ọbọp akamba ufọk udia+ ọnọ enye ke ebiet emi ẹkesibonde uwa n̄kpasịp,+ frankincense ye n̄kpoduoho ye ọyọhọ mbak duop ke wheat ye ke obufa wine+ ye ke aran,+ emi ẹkedide udeme nditọ Levi+ ye mme ọkwọikwọ ye mme ekpeme-inuaotop, ọkọrọ ye etịbe mme oku.
6 Ndien ke ofụri ini emi, ami n̄kodụhe ke Jerusalem, koro n̄kakade ọtọ edidem ke ọyọhọ isua edịp ye duopeba+ emi Artaxerxes+ edidem Babylon akarade, ndien ke ukperedem mma mben̄e edidem nte ọnọ mi ini n̄wọrọ.+
7 Ekem ndi Jerusalem ndikụt idiọkn̄kpọ emi Eliashib+ akanamde ke ntak Tobiah+ ke ndibọp ufọk nnọ enye ke okụre ufọk+ ata Abasi.
8 Ndien n̄kpọ emi ọdiọk mi ke enyịn etieti.+ Ntre nsion̄o+ kpukpru n̄kpoduoho ufọk Tobiah nduọn̄ọ ke an̄wa ufọk udia oro.
9 Ekem nnọ uyo ndien mmọ ẹnam mme ufọk udia+ oro ẹsana;+ ndien ami ntọn̄ọ ntak ntan̄ n̄kpoduoho+ ufọk ata Abasi ye uwa n̄kpasịp ye frankincense+ ndọn̄ ke esịt.
10 Ndien ndifiọk nte ke owo ikọnọhọ nditọ Levi udeme+ mmọ, ntre nditọ Levi ye mme ọkwọikwọ emi ẹnamde utom ẹfen̄e, owo kiet kiet aka in̄wan̄ esie.+
11 Ndien nsua nnọ+ mme udiana andikara+ nnyụn̄ ndọhọ nte: “Ntak emi ẹfrede ufọk ata Abasi?”+ Ndien n̄kot mmọ mbon ọtọkiet nnyụn̄ nnam mmọ ẹda ke itie mmọ.
12 Ndien ofụri Judah ẹda ọyọhọ mbak duop+ ke wheat+ ye ke obufa wine+ ye ke aran+ ẹdi mme itie ubonn̄kpọ.+
13 Ekem nnịm Shelemiah oku ye Zadok osion̄o-n̄wed ye Pedaiah ke otu nditọ Levi ndise mban̄a mme itie ubonn̄kpọ; ndien Hanan eyen Zaccur eyen Mattaniah+ ẹdu ke idak mmọ, koro ẹkebatde mmọ ke mbon akpanikọ;+ ndien obiomo mmọ ndideme+ n̄kpọ nnọ nditọete mmọ.
14 O Abasi mi, ti mi+ ke n̄kpọ emi, kûnyụn̄ usọhi+ mme edinam ima-mfọnido emi nnamde mban̄a ufọk+ Abasi mi ye mme utom esie ufep.
15 Ke mme usen oro mma n̄kụt mme owo ke Judah ẹdịghide obube unyịmi wine ke sabbath+ ẹnyụn̄ ẹmende mme ebek wheat ẹdidori+ ke ass,+ ọkọrọ ye wine, grape* ye fig+ ye kpukpru orụk mbiomo, ẹnyụn̄ ẹmen mmọ ẹdi Jerusalem ke usen sabbath;+ ndien nsua nnọ mmọ ke usen oro mmọ ẹnyamde mme n̄kpọ emi.
16 Ndien mbon Tyre+ ẹdụn̄ ke obio emi ẹnyụn̄ ẹmen iyak ye kpukpru orụk n̄kpọurua+ ẹdinyam ke sabbath ẹnọ nditọ Judah ye ke Jerusalem.
17 Ntre nsua nnọ mbọn̄+ Judah nnyụn̄ ndọhọ mmọ nte: “Nso orụk idiọkn̄kpọ ke mbufo ẹnam emi, ẹnyụn̄ ẹsabarede usen sabbath?
18 Nte idịghe ntem ke mme ete ete mbufo ẹkenam,+ ndien Abasi nnyịn ada kpukpru afanikọn̄+ emi etiene nnyịn, ye obio emi? Edi mbufo ẹdọdiọn̄ ẹnam ikan̄-ikan̄ iyatesịt etiene Israel ke ndisabade sabbath.”+
19 Edikem ke ndondo oro eyo ọtọn̄ọde ndifụk owo idem ke mme inuaotop Jerusalem mbemiso sabbath, ami nsọsọp nnọ uyo ndien ẹberi mme usụn̄.+ Ami nnyụn̄ ndọhọ nte ẹkûberede mmọ tutu sabbath ebe; nnyụn̄ mbon ndusụk mme asan̄autom mi ke mme inuaotop emi man mbiomo ndomokiet okûbe odụk ke usen sabbath.+
20 Ntem mbonurua ye mme andinyam kpukpru orụk n̄kpọurua ẹdidan̄ ke edem Jerusalem ke okoneyo oro ini kiet ye ọyọhọ ikaba.
21 Ekem nsua nnọ+ mmọ nnyụn̄ ndọhọ mmọ nte: “Ntak emi mbufo ẹdan̄de ke iso ibibene emi okoneyo emi? Edieke mbufo ẹtọn̄ọde ntak ẹnam n̄kpọ emi, ubọk mi oyodoro mbufo ke idem.”+ Toto ke ini oro, mmọ idịghe aba ke sabbath.
22 Ndien ndọhọ nditọ Levi+ nte ẹnam idemmọ asana+ kpukpru ini ẹnyụn̄ ẹdụk ẹdi, ẹdikpeme inuaotop+ man ẹnam usen sabbath asana.+ O Abasi mi, ti+ mi ke n̄kpọ emi n̄ko, nyụn̄ tua mi mbọm nte uwak ima-mfọnido fo edide.+
23 N̄ko, ke mme usen oro mma n̄kụt mme Jew ẹnọde iban Ashdod,+ Ammon, ye Moab+ ebietidụn̄.+
24 Ndien amaedi nditọ mmọ, ubak ẹkesem usem Ashdod, ndien owo mmọ ndomokiet ikọfiọkke ndisem usem mme Jew,+ edi ẹkesem nsio nsio usem mme idụt.
25 Ndien nsua nnọ mmọ nnyụn̄ nsụn̄i mmọ+ nnyụn̄ mmia ndusụk ke otu mmọ+ nnyụn̄ n̄wụbede mmọ idet nnyụn̄ nnam mmọ ẹda enyịn̄ Abasi ẹn̄wọn̄ọ+ ẹte: “Mbufo ẹkûda nditọiban mbufo ẹnọ nditọiren mmọ ẹkûnyụn̄ ẹda nditọiban mmọ ẹnọ nditọiren mbufo ẹkûnyụn̄ ẹda ẹnọ idem mbufo.+
26 Nte idịghe oro akanam Solomon edidem Israel anam idiọkn̄kpọ?+ Ndien ke otu ediwak mme idụt idụhe edidem emi ekebietde enye;+ Abasi esie ama onyụn̄ ama enye+ tutu enịm enye ke edidem ofụri Israel. Edi isen iban ẹsịn enye anam idiọkn̄kpọ.+
27 Nte idịghe n̄kpọ n̄kpaidem ndikop nte mbufo ẹnamde utọ akwa idiọkn̄kpọ emi ke unana edinam akpanikọ, ẹduede Abasi nnyịn ke ndinọ isen iban ebietidụn̄?”+
28 Ndien kiet ke otu nditọ Joiada+ eyen Eliashib+ akwa oku ekedi ebe eyen Sanballat+ owo Beth-horon.+ Ntre mbịn enye nte ọkpọn̄ mi.+
29 O Abasi mi, ti mmọ ke emi mmọ ẹsabarede+ itie oku ye ediomi+ itie oku ye eke nditọ Levi.+
30 Ndien nnam mmọ ẹsana+ ẹbọhọ kpukpru isen n̄kpọ nnyụn̄ nnọ mme oku ye nditọ Levi utom, ndien owo kiet kiet anam utom esie,+
31 idem ke edinọ ifia+ ke edikem ini ye kaban̄a akpa mfri eke ẹdatde.
O Abasi mi, ti+ ndifọn mi mfọn.+
Mme Ikọ Idakisọn̄
^ “Mfri vine.”
