Psalm 99;1-9
99 Jehovah amakabade edi edidem.+ Yak mme idụt ẹnyek.+Enye etie ke mme cherub.+ Yak isọn̄ enyek.+
2 Jehovah okpon ke Zion,+Enye onyụn̄ okon̄ akan kpukpru mme idụt.+
3 Yak mmọ ẹtoro enyịn̄ fo.+Enye okpon, enyene uten̄e, onyụn̄ asana.+
4 Enye ada odudu edidem ama edinen ikpe.+Afo ọmọsọn̄ọ owụk se inende.+Afo amanam ẹkụt edinen ikpe ye edinen ido ke Jacob.+
5 Ẹtoro Jehovah Abasi nnyịn+ ẹnyụn̄ ẹnụhọ ke udoriukot esie;+Enye edi edisana.+
6 Moses ye Aaron ẹma ẹdu ke otu mme oku esie,+Samuel ama onyụn̄ odu ke otu mbon oro ẹsemede ẹkot enyịn̄ esie.+Mmọ ẹma ẹseme ẹkot Jehovah, ndien enye eyere mmọ.+
7 Enye ama etie ke adaha obubịt enyọn̄ etịn̄ ikọ ọnọ mmọ.+Mmọ ẹma ẹnam se enye eketide mmọ ye ewụhọ oro enye ọkọnọde mmọ.+
8 O Jehovah Abasi nnyịn, afo ama eyere mmọ.+Afo ekedi Abasi emi adahadedo ọnọ mmọ,+Emi onyụn̄ osiode usiene aban̄a mme oburobụt edinam mmọ.+
9 Mbufo ẹtoro Jehovah Abasi nnyịn+Ẹnyụn̄ ẹnụhọ ke edisana obot esie.+Koro Jehovah Abasi nnyịn edide edisana.+
