Psalm 143;1-12
Ikwọ David.
143 O Jehovah, kop akam mi;+Kpan̄ utọn̄ ke eseme mi.+Da akpanikọ fo yere mi ke edinen ido fo.+
2 Kûnyụn̄ uda ke ikpe ye asan̄autom fo;+Koro baba owo kiet eke odude uwem mîkemeke ndidi edinen ke iso fo.+
3 Koro asua ebịnede ukpọn̄ mi;+Enye amanuak uwem mi adian ke isọn̄.+Enye anam mi ndụn̄ ke n̄kịmn̄kịm ebiet nte mbon oro ẹkpan̄ade ke nsinsi.+
4 Spirit+ mi onyụn̄ akpa mba ke esịtidem mi;Esịt mi odoro ibikpai.+
5 Mmeti mme usen eyo oko;+Mmetie n̄kere kpukpru utom fo;+Mmenyịme nditie n̄kere utom ubọk fo.+
6 Mmatat ubọk mi nnọ fi;+Ukpọn̄ mi oyom fi nte isọn̄ emi akpade mba.+ Selah.
7 O Jehovah, wara yere mi.+Spirit mi emesịm utịt.+Kûdịp mi iso fo,+Mbak ndikabade ntie nte mmọ eke ẹsụhọrede ke obube.+
8 Nam mi n̄kop ima-mfọnido fo ke usenubọk,+Koro mbuọtde idem ye afo.+Nam mi mfiọk usụn̄ eke n̄kpasan̄ade,+Koro mmemenede ukpọn̄ mi nnọ fi.+
9 Nyan̄a mi sio mme asua mi ke ubọk, O Jehovah.+Mmada fi ke ebiet udịbe mi.+
10 Kpep mi ndinam uduak fo,+Koro afo edide Abasi mi.+Spirit fo ọfọn;+Yak enye ada mi usụn̄ ke isọn̄ edinen ido.+
11 O Jehovah, nịm mi uwem+ kaban̄a enyịn̄ fo.+Da edinen ido+ fo sio ukpọn̄ mi ke nnanenyịn.+
12 Nyụn̄ da ima-mfọnido fo sobo mme asua mi;+Nyụn̄ sobo kpukpru mmọ eke ẹsuade ukpọn̄ mi,+Koro ami ndide asan̄autom fo.+
