Psalm 112;1-10
112 Mbufo ẹtoro Jah!+
א [ʼAleph]
Owo emi abakde Jehovah,+
ב [Behth]
Emi mme ewụhọ+ esie ẹnen̄erede ẹdat enye esịt, okop inemesịt.+
ג [Gimel]
2 Nditọ esie ẹyekabade ẹdi mbon uko ke isọn̄.+
ד [Daleth]
Ẹyediọn̄ emana ndinen owo.+
ה [Heʼ]
3 N̄kpọuto ye inyene ẹdu ke ufọk esie;+
ו [Waw]
Edinen ido esie onyụn̄ odu ke nsinsi.+
ז [Zayin]
4 Enye asiaha nte un̄wana ke ekịm ọnọ ndinen owo.+
ח [Chehth]
Enye ọfọn ido onyụn̄ atua owo mbọm onyụn̄ enen.+
ט [Tehth]
5 Owo eke ọfọnde ido+ onyụn̄ ọnọde ebuọt edi eti owo.+
י [Yohdh]
Enye ada unenikpe ese aban̄a mbubehe esie.+
כ [Kaph]
6 Koro enye mîdisehekede tutu amama.+
ל [Lamedh]
Ẹyeti edinen owo ke nsinsi.+
מ [Mem]
7 Idiọk mbụk idinamke enye ndịk.+
נ [Nun]
Esịt esie ọsọn̄ọ ada,+ ebere ye Jehovah.+
ס [Samekh]
8 Esịt esie isehekede;+ enye idikopke ndịk,+
ע [ʽAyin]
Tutu enye osụk enyịn ese mme asua esie.+
פ [Peʼ]
9 Enye amatat ubọk ọnọ owo n̄kpọ; enye ọmọnọ mme ubuene n̄kpọ.+
צ [Tsadheh]
Edinen ido esie odu ke nsinsi.+
ק [Qohph]
Ẹyemenede nnụk esie ke ubọn̄.+
ר [Rehsh]
10 Idiọkowo oyokụt onyụn̄ ayat esịt.+
ש [Shin]
Enye ayata edet esie onyụn̄ eyemede.+
ת [Taw]
Uduak mme idiọkowo ayatak.+
