Psalm 10;1-18
ל [Lamedh]
10 O Jehovah, ntak emi afo adade nsannsan?+Ntak emi afo edịbede ke ini nnanenyịn?+
2 Idiọkowo ada iseri esie esịn idem ebịne owo ukụt;+Mmọ ẹmụm mmọ ke uduak emi mmọ ẹduakde.+
3 Koro idiọkowo otorode idemesie ke ibụk ibụk udọn̄ ukpọn̄ esie,+Owo emi adiade idiọk udori+ onyụn̄ otoro idemesie;
נ [Nun]
Enye emesuene Jehovah.+
4 Idiọkowo inamke ndụn̄ọde ke ntak akwa iseri esie;+Ofụri ekikere esie edi: “Abasi idụhe.”+
5 Enye enyene uforo kpukpru ini ke usụn̄ esie.+Mme ikpe fo ẹyan̄a enye ifiọk;+Amaedi kpukpru mmọ eke ẹsuade enye, enye asasak mmọ.+
6 Enye ọdọhọ ke esịt esie ete: “Ami ndisehekede;+Koro ke ofụri emana ami ndinyeneke afanikọn̄.”+
פ [Peʼ]
7 Inua esie ọyọhọ ye isụn̄i ye abian̄a ye ufịk.+Afanikọn̄ ye ibak ẹdu enye ke idak edeme.+
8 Enye etie ke itie udịbe ke obio-in̄wan̄;Eyetie ke ndedịbe ebiet owot owo eke mîduehe.+
ע [ʽAyin]
Akama enyịn esie oyom owo n̄kpọnnam.+
9 Enye edịbe ke ndedịbe ebiet ebet nte ekpe ke ebiet udịbe esie.+Enye edịbe ebet+ ndimụm owo ukụt ndaha ke n̄kanubọk.Enye omụm owo ukụt adaha ke n̄kanubọk ke ini odụride iyịre esie.+
10 Efịk enye, enye ọduọ,Udịm mbon mfụhọ ẹnyụn̄ ẹduọn̄ọ ẹdụk ọkpọsọn̄ ubọk esie.+
11 Enye ọdọhọ ke esịt esie ete:+ “Abasi emefre.+Enye emedịp iso esie.+Tutu amama enye idikwe.”+
ק [Qohph]
12 Daha ke enyọn̄,+ O Jehovah. O Abasi, menede ubọk fo.+Kûfre mbon ukụt.+
13 Ntak emi idiọkowo mîkponoke Abasi?+Enye ọdọhọ ke esịt esie ete: “Afo uduyomke ẹnam ibat.”+
ר [Rehsh]
14 Koro afo omokụt afanikọn̄ ye iyatesịt.Afo emese man anam n̄kpọ aban̄a.+Owo n̄kpọnnam,+ kpa eyenakpa, ayak idemesie esịn fi ke ubọk.Afo amakabade edi andin̄wam enye.+
ש [Shin]
15 Bụn̄ idiọkowo ye obukpo owo ubọk.+Afo akpakam oyom idiọkido esie tutu ukwe aba.+
16 Jehovah edi Edidem ke nsinsi nsinsi.+Mme idụt ẹmetak ke isọn̄ esie.+
ת [Taw]
17 Afo oyokop eben̄e mbon nsụkidem,+ O Jehovah.Afo eyetịm esịt mmọ.+Afo ayakpan̄ utọn̄,+
18 Man ekpe ikpe eyenakpa ye mbon oro ẹfịkde,+Man owo eke otode ntanisọn̄ okûsịn owo ekededi ndịk aba ke idem.+
